Aiseya 37:38 - DAWAN BÎLA AISKA

³⁸ Bara witin yua kumi ra ai gâdka Nisroc priaska watla ra dimi mayuni kan ba ra ai luhpia nani Adramélec Sarézer wal bui sord wal klaki ikan, bara Ararat tasbaya ra plapi wan. Bara witin ai watlika ra ai luhpia waitna Esarhadón ba king aimakan.

Aiseya 37:38 ပူးပေါင်းရင်းမြစ်များ

Blasi Sturka 8:4

Bara kati 7, lapta yua 17 alkan ba kat, ark watla ba, Ararat ilka purara kat uli takaskan.

2 Kronikas 32:14

¿Naha gâd nani wina, ani pali ba sip kabia ai nisanka nani swaki sakaia yang karniki wina, witin nani bui yang almukki nani sauhki tikan ba? ¿Dîa kan luki banhwisma man nani Gâdkam mita swaki mai sâkbia?

2 Kronikas 32:19

Jerusalem ra Gâdka dukiara aisin, tawan wala nani gâdka dukiara aisi kan, baha gâdka nani ba upla bui paskan.

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Esdras 4:2

Bara uplika nani ba balan, bara Zorobabel, Jasua bara kiamka bani wihtka nani ra wan kaikaia, bara naku win: —Aik yang nani sin man nani ra tempel mâki tâm baiki banhwamna, kan yang nani sin man nani baku Gâdkam ba briri, bara witin ra yang nani sin daiwan iki angki yabisna, Asiria kingka Esarhadón yua ba wina, witin mita sika nâra wan bri balan ba.

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Aiseya 14:9

Mâyara, pruan nani tilara, tatukbanka tara bâra sa bara mampara bal taki mai brisa. Pruan nani distika ba kli rawi buisa tasba wihtka tara nani sut sin, mampara taki mai brisa; nisan nani sut kingka nani ba sin ai iwaika wina buan kata.

Aiseya 36:15

Baku sin Ezequías, Dawan mita swaki sâkbia kra wisi wibiara: ‘Kasak pali sika Dawan ba mita swaki wan sâkbia, baku sin naha tawanka tara na, Asiria kingka ba swika sip bribia apia’,

Aiseya 36:18

Aman kaiks Ezequías naku mai wi kunin mai munbiara: ‘Dawan yawan pri wan sâkbia.’ ¿Dîa gâd bahki nani upla sât sât nani brih banhwi ba, ai tasbaya ba pat pri sakan ki, Asiria kingka mihta wina?

Aiseya 37:10

“Ezequías, Juda kingka ra naku wis: Man Gâdkam witin ra man kasak lukisma ba, ¿man ra tâm baikbia lukisma ki bara Jerusalem ba, yang karniki mununhtara kauhbia apia lukisma? Baha dukiara upla yarka kunin mai munbiara.

Aiseya 37:7

Kaiks yang mita witin ra sturi binka daukamni, bara witin nani naha sturi binka ba walbia, baku sin ai tasbaya ra kli tawi wabia bara baku yabrika ai tasbaya ra prubia, upla mita ikbia.’ ”

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!