Aiseya 37:25 - DAWAN BÎLA AISKA

²⁵ Tasba tringsar ra yang mita liwanhta salhki ai layawanhta ba wina sin diri; bara yang mini bîla nani ba wal sin Idsip tingnika nani aiska ba sin lâkri.’

Aiseya 37:25 ပူးပေါင်းရင်းမြစ်များ

1 King Nani 20:10

bara Ben-hadad kli Ahab ra blikan wiaia: “Gâd nani bui ban saura pali ai munan kabia, Sameria tasbaya yamhpuska nani ailal âpu sa kaka, upla nani yang nini bliki ba ra ai mihta kruskanka kum kum yabaia kumi bani ra.”

Aiseya 10:13

Asiria kingka ba aisin: “Yang karniki ni baha sut daukri; yang sinskira sna, baha nani daukaia ba yang luki kaikri. Nisan nani tasbaya piarkika ba yang mita wala daukri, ai dukia kukanka nani ba sin dakbi briri, âu, yang waitna kum kupi karna, king nani bâra iwi kan ba bataki slingbi tikri.

Aiseya 10:14

Yang mihti ra upla nani dukia kukanka ba alkri, tasba aiska ba karniki ra, alki briri piawira ai watla ra ai mahbra nani lulki swin upla kum bal alki bri ba baku, bara upla kumi sin âpu kan ai tnawa ilingkaia, piawira kumi sin âpu kan wasbaia.”

Aiseya 19:5

Awala nani sut ba lâwan kabia, Nilo awala ba sin tawa lâwi âpu takbia.

Aiseya 19:6

Awala nani ba sin lâwi bisbaya takbia, lî kârma nani ba sin lâwi danh âpu takbia; yauhrus nani, klisang nani ba sut srawbia.

Aiseya 36:12

Sakuna Asiria wihtka aisin: —Asiria kingka ba, man ra bara sin dawanka ra ai blikras kan, naha bîla nani wiaia ba; kau pali ai blikan sa upla nani kutbanka purara ba ra, witin nani sin man nani wal baku ai tâskika pibia bara sin ai iskika dibia.

Kli Smalkanka 11:10

Man nani tasba dakbi briaisma ba, Idsip wina takram tasbaya ba baku apia sa; bahara plun mâ man nani minam ni mangki kapram, kaupin bilara baku,