Aiseya 37:2 - DAWAN BÎLA AISKA

² Bara Eliaquim king watla ra diara nani pura kakaira ba, sturi âiulbra Sebná ba bara prîs kau almuk nani daknika ba sut kira kwala siksa nani dimi bara prapit Aiseya, Emus lupia ra blikan wan,

Aiseya 37:2 ပူးပေါင်းရင်းမြစ်များ

2 King Nani 18:18

Ba ningkara king ra paiwan balbia bâra witin nani wal prawaia dukiara. Eliaquim, Hilquías luhpia ba, king watla pura kakaira ba, Sebná sturi âiulbra ba bara king wauhkataya âiulbra, Joah, Asaf luhpia, witin sika king wauhtaika âiulbra ba.

2 King Nani 19:2

Bara Eliaquim king watla ra diara nani pura kakaira ba, Sebná sturi âiulbra ba bara prîs kau almuk nani daknika ba sut kwala siksa nani dimi bara prapit Aiseya Emus lupia ra blikan wan,

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

Ester 4:1

Bara Mardoqueo ba naha diara nani sut takan na walan ningkara, ai kwalka kalkan bara sari kwalka kusni diman; baha wina yamhpus ai lal ra yakaban, bara tawan aiska bâk wapi wini taukan.

Aiseya 1:1

Dahra aisaia bîla nani ba, Aiseya, Emus luhpia ba ra param marikan kaikan, Juda, Jerusalem wal dukiara; Ozías, Jotam, Ahaz, Ezequías Juda kingka aimaki kan ba yua nani ra.

Aiseya 20:2

Baha piua ra Dawan, Emus luhpia Aiseya wal aisi, win: “Man krukus kwalka dimisma ba daiks, minam ra sûskam ba sin.” Bara Aiseya baku daukan, ai prâka tara ba daiki ai mina man tauki kan.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 22:15

Karnika sut bri Dawanka ba naku ai win: “Man was baha king watla ra lalah âialkra Sebná, warkka nani sut pura kakaira ba ra, wis:

Aiseya 22:20

‘Baha yua ra, yang warkki dadaukra Eliaquim, Hilquías luhpia ba, winamna;

Aiseya 36:3

Bara witin wal prawaia wan nani ba, Eliaquim, Hilquías luhpia, klark; bara Sebná, sturi âiulbra ba; bara Joah, Asaf luhpia, âiulbra ba.

Aiseya 37:14

Bara Ezequías ba, naha nani ai tawanka bîla twatwilkra nani mihta wina wauhkataya ba brin, bara aisi kaikan. Ba ningkara, Dawan watla ra uli wan, bara Ezequías ba naha wauhkataya na Dawan lamara kwâki mangkan.

Aiseya 37:21

Bara Aiseya, Emus luhpia ba mita, Ezequías ra ai bîla bliki win: “Dawan Israel Gâdka ba, naku wisa: ‘Man Senaquerib Asiria kingka dukiara yang ra makabram ba yang walri.’ ”

Aiseya 38:1

Baha yua nani ra Ezequías ba sikniska saura pali alkan, pruaia man kan. Bara Aiseya, Emus luhpia ba balan witin ra kaikaia, bara naku win: —Dawan ba naku wisa: ‘Man wamtla uplika nani ra kasak bîla smalks, kan man pruaia sma, man sikniskam na wina rawma apia.’

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.