Aiseya 36:4 - DAWAN BÎLA AISKA

⁴ Bara Asiria wihta mita win: —Nanara man nani Ezequías ra wis, Asiria kingka ba naku wisa: ‘¿Dîa sât kupia param tânka man ra sa ki, bara bahara kasak luki tniwisma?

Aiseya 36:4 ပူးပေါင်းရင်းမြစ်များ

2 King Nani 18:17

Ningkara Asiria kingka ba Ezequías ra wihtka tara kum blikan, aiklaklabra kau tara ba. Bara wala kum lika war aiklaklabra daknika tara tâura blikan wan, witin nani Laquis wina Jerusalem ra wan aiklabaia. Bara witin nani Jerusalem ra balan ba ra, lî madakura kwala tatuskra nani pliska ba kat bal takaski banhwan.

2 King Nani 18:5

Bara Ezequías ba Dawan Israel Gâdka ra, ai kupia aiska ba mangkan. Witin kainara bara ningkara sin witin baku âpu kan, Juda kingka nani ba tilara.

2 King Nani 19:10

“Man Gâdkam, witin kat man kasak lukisma ba, man ra tâm baikbia lukisma Jerusalem ba yang karniki mununhtara kauhbia apia; ban sakuna baha dukiara witin yarka kunin mai munbiara.

Lawana Nani 42:10

Waihli nani laiwaska kiki ba mita dusi nani sut latwan takisa. Witin nani yu bani, yang ra makabi walisa: ¿Man Dawankam ba anira sa?

Lawana Nani 42:3

Kakna ra, tihmia ra, yang naikra laya ba pati pisna, upla nani sin pat pat maikabi walisa: “¿Man Dawankam ba anira sa?”

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Jirimaya 48:14

“Moab aisabiara: ‘Yang nani tahplu nani, aiklaklabra nani karna sna.’

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.