Aiseya 35:8 - DAWAN BÎLA AISKA

⁸ Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Aiseya 35:8 ပူးပေါင်းရင်းမြစ်များ

Lawana Nani 118:20

Naha sika Dawan durka ba, baha bâk sika upla kasak nani ba dimbia.

Lawana Nani 119:130

Man bîlam nani smalkanka ba ingni wankisa; ai dahra pain walras nani ra yabisa diara tânka briaia.

Lawana Nani 19:7

Dawan lâka smalkanka ba kasak yamni pali sa, kan rayaka raya yabisa. Dawan adarka bîla ba kasak ban buisa, ai dahra yamni walras nani ba, sinskira daukisa.

Lawana Nani 23:4

Il bîla kau tihmu bâk wapi luamna kra, diara saura bâra sa sibrin lukamna apia; kan Dawan, man, yang wal sma; man sepadkam dusa kînkam ba, baha nani kupi bukisa kasak lukanka ra.

Sins Lâka 16:17

Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Sins Lâka 8:20

Yang yabal wapni bâk auna kasak lâka yabalka bâk.

Sins Lâka 9:4

“¡Nâra bal, sins tânka aitani briras wahmika nani!” Taniskira nani ra ai bîla aisinka ba blikan wan:

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 19:23

Baha piua ra yabal tara, param kabia Idsip wina Asiria ra waia ba kat. Bara Asiria uplika nani Idsip ra wabia, bara Idsip uplika nani sin Asiria ra balbia; baku Idsip uplika nani, Asiria uplika nani aikuki Dawan warkka daukbia.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 33:8

Yabal nani wapi kan ba swin sa, wawapra nani impaki kan ba takaskan. Wal lâ daukan kan lâka ba, bahki daukan; tawan tara nani ba misbara kaikan, upla nani ba diara bahki kulkan.

Aiseya 4:3

Ya kau raya Saion ra takaskan kabia ba Jerusalem ra sin pruras kau raya kabia uplika nani ba baha nani sut bâra iwi kabia, baha nani nina ba naku mâki kabia: “Dawan mita holi daukan witin ai uplika nani.”

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 43:19

Yang diara raya kum daukisna, man kaikma baha naha minitka ra bal takbia. Upla iwras tasbaya ra yabal kum daukaisna bara awala nani diara pâwras tasbaya ra.

Aiseya 51:10

¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Aiseya 57:14

Baha ningkara aisanka kum walma: “Man nani yabal ba langni dauks, langni dauks; pahbi sâks wan mina prukaika nani ba, yang upliki nani ba yabalka bâk lubia.”

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Jirimaya 31:21

“Israel, yabalka ra tukin mangkisa, baku lika sip sa kli swapni lâka ra yabal ba sakaia; pain kaiks yabalkam anira watauki kapram ba. ¡Kli bal, Israel luhpia nani, kli bal tawankam nani ra!

Isikiel 43:12

Naha sa tempel lâka ba: tempel lama kir tasba bara ilka purara ba holikira pali kulkan kabia.”

Isikiel 44:9

“Baha mita, yang Dawan sna ba, aisisni: Tringsar kum sin tempelka ra dimbia apia ai lukanka ra bara ai wîna tara ra wal lâ daukanka tukinka âpu kaka; baha tringsarka Israel tilara iwi nani sin apia.

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

1 Tesalonaika 4:7

Gâd mita tâski lâka âpu iwbia wisi wan paiwan sa, kuna tâski lâka ra lika apia.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

1 Pita 1:16

Kan Ulbanka ra wisa: “Man nani holikira bas, yang na holikira sna bamna.”

2 Pita 3:13

kuna yawan lika, Gâd pramis taki win ba kat, kasbrika raya bara wan tasba raya ba bîla kaikisa, bara bahara lika diara sut ba kasakkira bara pain baman kabia.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.