Aiseya 35:5 - DAWAN BÎLA AISKA

⁵ Bâra mika nakra prakan nani nakra ba diara kaikbia, kiama prawan nani kiama ba sin walbia;

Aiseya 35:5 ပူးပေါင်းရင်းမြစ်များ

Job 33:16

Gâd lika upla nani kiama nani kat aisisa, lawi dauki bara sibrin sin dingkisa,

Lawana Nani 146:8

Dawan bui upla nakras nani nakra ilingkisa: Dawan bui baha nani kauhan nani ba bukisa; Dawan lika kasakkira nani ra latwan kaikisa.

Impakan Sturka 4:11

Sakuna Dawan pana witin ra win: —¿Ya mita upla ra bîla ba dauki yan? ¿Bara ya mita sin upla bîlas, kiama prawan, nakras, nakra yamni bri nani ba sin daukan? ¿Yang mita baman daukri apia ki?

Sins Lâka 20:12

Wan kiama diara wali ba, wan nakra diara kaiki ba sin, wâlsut Dawan mita paskan.

Aiseya 29:18

Baha piua ra kiama prawan nani ba baha wauhkataya bîla aisi kaiki ba walbia, blain nani sin kaikaia sip sa, pukni bara tihmu ba wina.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 42:18

“Kiama prawan nani, man nani wals; blain nani, man nani kaiks.

Aiseya 43:8

“Upliki nani ba man wis balaia, nakra bri sakuna sip kaikras ba, ai kiama brisa sakuna sip walras ba.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Aiseya 50:5

Dawan ba yang kiaima aikan tânka param walaia, bara yang mapara babura apia kapri bara nini sin laki yaras kapri.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Matiu 12:22

Bara Jisas ra waitna kum bri balan, witin ba blain bara sturi sin aisaras, pirit saura kum bri kan ba mita. Jisas mita rakan, bara waitna ba diara kaikaia bara aisaia sin sip kan.

Matiu 21:14

Bara tempel ra blain nani kum kum bara skahwa nani sin Jisas lamara balan, bara witin mita sut rakan.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Jan 11:37

Sakuna baha nani wina kum kum bila: —Naha waitnika sika upla blain kan yan kaikan, ¿bara diara kum daukaia sip kan apia Lasarus ba pruaia apia dukiara?

Jan 9:39

Ningkara, Jisas bila: —Yang balri naha tasba ra lâ daukaia dukiara, blain nani ba diara pain brih kaikbia, bara diara pain kaiki nani ba blain takbia dukiara.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”