Aiseya 35:2 - DAWAN BÎLA AISKA

² Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 35:2 ပူးပေါင်းရင်းမြစ်များ

1 Kronikas 16:33

¡Unta ra dus nani pâwi ba, lilia binka daukbia, Dawan witinka naha tasba wihtka aimakaia aula ba mawanra!

1 Kronikas 27:29

Bîp nani Sarón ra bri si twi dakakaia ba lika, Sarón uplika Sitrai mihta ra kan, bîp nani twi langni ra kan ba lika, Adlai luhpia Safat mihta ra kan.

1 Kronikas 5:16

Witin nani sut lika Galaad tasbaya ra iwan, Basán ra bara tawanka sirpi nani ra, bara sîp nani aihwaki kaikaia pliska ra Sarón twiya tani ra, ai tasbaya markka ba kat.

Lawana Nani 50:2

Dawan ba bui laih Saion wina ai ingnika blikisa, baha tawanka pranakira kasakkira pali ba wina.

Lawana Nani 72:16

Naha kuntrika ra plawar mâ ailal bâra kabia, ¡il bahna nani ba sut plun pali man kabia! Pata mâ nani ba, Líbano ra dus nani pâwi baku kabia; plawar kura ailal inma nani tasba ra pâwi ba baku kabia.

Lawana Nani 72:19

yamni pali win kabia ai nina pranakira ba. ¡Tasba aiska ba prana ni banhbia! ¡Baku kabia!

Lawana Nani 89:12

Man yahbra bara muna wal ba paskram; Tabor bara Hermón ilka nani ba, lilia aiwani ninam mayunisa.

Lawana Nani 97:6

Kasbrika purara nani ba ai kasakka lâka dukiara aisisa; upla nani sut ai prana ba kaikisa.

Impakan Sturka 16:7

bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?

Yamni Kulki Lawana 2:1

Yang sna Sarón twiya bîla tangnika nani, il bîla langnika nani tangnika sna.

Yamni Kulki Lawana 7:5

Man lamla ba wînam tara purara ba, Carmelo ilka baku sa; tâmwa mina ba, sim balianta tritka talia baku sa: ¡king kum ai tâwa warwanka ba tilara wilki priskan sa!

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 32:15

Sakuna yawan wan purara Dawan papaskra karnika ba kli balbia, bara upla iwras tasbaya ba kli tasba disang takbia, bara tasba disang ba unta tara tasba mâirira pali kabia.

Aiseya 33:9

Tasba kwala siksa dimi sari sa; Líbano ai swira luki srawan; Sarón ilka bîla sin upla iwras tasbaya baku takan, Basán bara Carmelo ilka sin wahia nani âpu daukan.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 40:9

Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 41:19

Upla iwras tasbaya ra yalam nani mangkamna, tangni dusa nani bara oliv nani sin pâwbia; tasba lâwan ra yabrika awas sâtka dusa nani mangkamni, dus nani bara awas nani sin aikuki asla pâwbia,

Aiseya 49:13

¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Aiseya 60:13

Dawan ba Jerusalem ra aisisa: “Líbano ra prana ba man ra balbia, awas pauni nani, awas dusa bara saiprus dusa nani ba sut, yang tempelki bilara prana daukaia dukiara, bara yang mini taibaika watla bilara yamni kulkamni. Baku Dawan Jerusalem ra aisisa.

Aiseya 60:19

“Kakna ra lapta ingnika kli want apia kama, kati wina sin ai ingnika tihmia ra want apia kama. Yang, Dawan, man ingnikam kamna, man Gâdkam ba, man pramna ban kaia ra, yang ingnikam kamni.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 66:10

“Man nani Jerusalem wal liliam bas, liliam pali bas, man nani sut witin ra latwan kaikisma ba; ai liliaka ra asla taks, man nani sut witin sarka brih inram ba;

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Oseas 14:5

Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Abakuk 2:14

Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Sakaraya 10:7

Efraín uplika nani ba suldiar kum baku kabia. Ai kupia lilia kabia, wain din liliaka ba baku, ai luhpia nani sin baha kaiki lilia takbia. ¡Witin nani ai kupia ba lilia man kabia Dawan dukiara!

Jan 12:41

Aiseya naha diara nani ra aisin, witin pali mita Jisas prana ba kaikan bamna, bara baha mita witin Jisas dukiara aisi kata.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Apastil Nani Sturka 9:35

Bamna Lida ra bara Sarón ra iwi nani ba bui witin ba kaikan, bara sut ai lukanka almuk nani ba mahka swi si, Dawan nina blikan.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”

Roman 15:10

Bara Ulbanka wala ra sin wisa: “Ju apia nani, Gâd uplika nani ba aikuki liliam banhwi bas.”

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Jasua 19:26

Alamélec, Amad bara Misael, baku bamna muna tani bâk Carmelo ilka kat sa, ba wina Sihor-libnat kat.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.