Aiseya 34:6 - DAWAN BÎLA AISKA

⁶ Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Aiseya 34:6 ပူးပေါင်းရင်းမြစ်များ

2 Samuil 1:22

“Piua kumi ra sin Saúl bara Janatan wal ai sordka bara ai trisbaika nani ba war aiklaklabra tahpla nani tâlia bara batanka ra buskras kaka, balras kata.

1 Kronikas 1:44

Bela pruan bara ai watlika ra Zérah luhpia Jobab king aimakan. Witin ba Bosrá tawanka wina kan.

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Aiseya 29:2

Ariel purara pât saura nani brih balaia sna, bara ini yahwi mamna lulkanka nani man kabia bara yang maipara Ariel ba masku aswi baku kabia.

Aiseya 34:5

Âu, kaiks Dawan sordka ba kasbrika purara bal param takisa bara Edom purara bal kauhaisa, pruaia pâtka ra lakan uplika nani ba.

Aiseya 63:1

—¿Naha ya Bosrá wina aula ba, Edom kiapitalka ba wina, ai prâka ba laya pauni ni pauni daukan ba, ai prana tara wal ai prâka dimi aula ai karnika tara wal wapi ba? —Yang sika, aiklabi pura luaia ba dukiara aisisna ba, bara karnika brisna swaki sakaia.

Aiseya 63:3

—Âu, yang yakan wain taibaia watla ra wain taibri, upla kumi sin hilp ai munras; bara witin nani ba yang lawanki tara ni mini ra taibri; ba mita sika ai tâlia ba yang kwailka nani ra srikwi alkan, bara kwailka nani sut tâski takan.

Aiseya 65:12

Diara saura man nani bîlam kaikisa: Man nani sord ra pruaia mai daukamna. Kan yang mai winri, sakuna man nani pana yang ra aisaras kapram bamna; man nani ra aisari, bara man nani ai walras kapram; yang aitani kulkras sna ba man nani daukram, yang laik apia sna ba man nani bâk saki briram.”

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 25:34

¡Sepad nani, man nani karna wins! ¡Latwan mita inan nani karna wins! ¡Man nani sîp daknika tâ brisma ba, tasba ra aikarwi banhs! Iki tikaia piua ba nanara bal aimakan bara man nani mai ikan kabia sîp wainhka batanira nani baku.

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Jirimaya 49:13

Yang, Dawan, nini ra swer takisna: Bosrá tawanka tara ba upla iwras tasbaya daukbia, slingban kabia, swira paskan bara lahtuban kabia upla nakra ra, bara tawan wala nani ba slingban ban kabia.”

Jirimaya 49:7

Edom uplika nani ra wiaia Dawan aisin bîla ba: “¿Temán ra sins lâka âpu takan ki? ¿Sinskira nani ba sip wiras ki witin nani dîa daukaia? ¿Sins lâka nani bri ba sut tiwan ki?

Jirimaya 50:27

¡Suldiar nani ba sut iki tiks, sut ikaia watla ra blîks! ¡Saura pali witin nani ra! ¡Witin nani yua ba balan, klala aiklabaia yua ba!

Jirimaya 51:40

Baha ningkara witin nani ikaia pliska ra brih wamna, sîp lupia, nani guts nani, sîp nani iki baku.”

Isikiel 21:10

Mala daukan sa, ikaia dukiara, lipni daukan sa ingnika ba biulwaia dukiara;

Isikiel 35:15

Man lilia takram Israel mita kuntri wala nani dakbi ai dukia bri kan ba sauhkan ba ra, sakuna man nani ra sin baku takbia: Man upla iwras tasbaya takma, Seír ilka, Edom kuntrika. Baha ningkara ai dara wali banhbia yang sika Dawan sna ba.’

Isikiel 35:8

Ilkam tara nani bara sirpi nani ba, il langnika nani ba awalkam nani ba upla nani war ra pruan nani man banhki kaia daukamna.

Emus 1:11

Dawan naku aisisa: “Edom uplika nani ba saura ailal pali daukan, bamna yang, witin nani ba sip klala yabras ban swimna apia; kan witin nani aiklabaia sordka ai mihta ra alki brih, ai kupia lukras kira ai muihni Israel luhpia nani ra nina blikan. Ai kupia baiwanka ba, witin nani purara brih lui wan, witin nani misbara kaikan lâka ba tnata âpu pali kata.

Sofonías 1:7

¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.