Aiseya 33:6 - DAWAN BÎLA AISKA

⁶ witin mita kaina kaiki ban kabia. Sins lâka ba bara diara tânka kaikaia tânka ba sin diara kukanka bara swaki wan sakisa; Dawan sibrinka lâka ba wan dukia kukanka kum sa.

Aiseya 33:6 ပူးပေါင်းရင်းမြစ်များ

2 King Nani 18:7

Ba mita Dawan ba witin wal kan, bara anira taki auya piua ra pura luanka lâka ba Dawan bui witin ra yabi kan. Ezequías lika Asiria kingka mapara buan, baku sin witin dukia daukaia apia win.

Job 4:6

Man sika kasakka lâka kat Gâd dukia dauki katma ba, man sin waitna kumi daukankam ba wapni kata ba, ¿nanara nahki man kasak lukan lâka ba âpu sma?

Lawana Nani 140:7

Dawan, Dawan, yang Sasakriki karnakira sma ba, man lika aiklabanka ra laila pura bikisma.”

Lawana Nani 28:8

Dawan ba ai uplika nani karnika sa, witin hilp munisa baha ai kingka bâk sakan ba.

Lawana Nani 45:4

Man pramna ba sika, pura lui kainamra auya, kasak tânka ba dukiara aiklabi kaia sa; bara kasakka lâka daukaia, upla bawikira nani ra bara mihtam aihkika ba, ¡kupiam karnika tara ba warkka daukisa!

Sins Lâka 14:24

Sinskira nani kraunka ba sika sinska lâka ba, sakuna sinskas nani dukia ba lika ai sinskaska lâka nani ba.

Sins Lâka 14:26

Dawan sibrinkira wan kupia mangki briaia lâka bâra sa, bara ai luhpia nani, ai kanra diara briaia ba bîla kaikaia sip kabia.

Sins Lâka 14:27

Dawan ra kulkanka yabaia ba raya kaia laya kârma sika; baha mita prura wan mina ra alki ba wina swaki wan sakisa.

Sins Lâka 15:16

Kanra yamni sa diara wiria man briaia, Dawan sibrinka ba wal, pain apia sa wan dukia kukan ailal briaia, bara baha kira wan kupia turban man kaia.

Sins Lâka 19:23

Dawan sibrinka ba raya kaia ra wan tapahkisa; baha brih bara aitani man luki iwi kabia, pât tara witin ra balbia apia.

Sins Lâka 2:5

Baku mika Dawan ra kulkanka lâka ba kakaira takma, tânka brima dîa ba Gâd ra kakaira kaia ba.

Sins Lâka 28:2

Kuntri kum ra, lâ sauhkanka manis bal taki ba tâka wina sika, ai wihtka nani ailal bal takisa; sakuna pain tâ bri ba sip sa wapni lâka kat briaia.

Sins Lâka 29:4

King lâ wapni aisi dauki ba mita, tasbaya ba buki bapisa; sakuna lal mana sakaia upla ra taibi makabi waitnika, ai tasbaya ba dringbisa.

Smasmalkra 7:12

Kan sins lâka ba, lalah wal baku wan kaina sunisa, sakuna sins lâka yamnika ba sika, sinskira nani ra rayaka yabisa.

Smasmalkra 7:19

Sins lâka ba kau karnika yabisa, sinskira ra, wihta tara matawalsip tawan kum bilara ba wal.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 32:17

Kasak lâka daukanka nani ba wina kupia kumi lâka takbia; kasak lâka warkka nani ba wina ris briaia, wan kupia kumi lâka ban kaia ra briaia bal takbia.

Aiseya 32:18

Bara upliki nani ba kupia kumi pliska ra iwbia, kli pât munras watla nani ra iwbia, ris bri lilia kabia,

Aiseya 33:20

Saion ba kaiks, yawan mani bani Dawan ra lilia tara dauki tawanka tara ba; man namkra nani Jerusalem ra kaiki kaikbia, sâp iwaia watla ba, tint watla kum slingbras kabia ba, dusa bapan ba sin daiki sâkbia apia, kiwka nani kumi sin dakban kabia apia.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 51:14

Priskan, sari, umpira takan nani ba pat pali pri sakan kabia; tasba unta sialaka watla ra ban prubia apia, ai pata sin danh takbia apia.

Aiseya 51:6

“Man nani namkra ba kasbrika purara kaiks, bara man nani tasba mâyara sin kaiks; kasbrika pura ba lap tiwan kabia, kiasma baku, bara tasba ba almuk takbia dimaia kwalka almuk taki ba baku, bara baku natka ra upla nani ba sin tanis tiwbia, kukas baku prui tiwbia. Sakuna yang swaki mai sakri lâka ba, bâra ban kabia lui waras, kasakki lâka bara pura luanka ba wal tiwbia apia.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Abakuk 2:14

Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

1 Timoti 6:6

Gâd ra luki kaia lâka ba mita upla ra yuyakira daukisa, sakuna uplika ba baha bri ba wal ai âuyapah sa kaka.