Aiseya 33:16 - DAWAN BÎLA AISKA

¹⁶ baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 33:16 ပူးပေါင်းရင်းမြစ်များ

1 King Nani 19:6

Bara witin kaikan, kaiks turtiya angkan kum ai lal tani ra kan masku purara, bara lî sumi kum sin. Bara pata ba pin, laya ba sin din, baha ningkara kli mahka aitnikan.

Lawana Nani 107:41

Witin umpira sari bri nani ra hilp munisa; ai watla uplika nani ra, ¡sîp daknika baku yan pâwisa!

Lawana Nani 111:5

Witin ra kulki nani ra plun piaia yabisa, wal lâ daukan ba witin kau luki kabia ban kaia ra.

Lawana Nani 15:1

Dawan, ¿ya man tempelkam ra takaski kaia sip sa? ¿Ya man ilkam bâk sakram ba ra takaski kaia sip sa?

Lawana Nani 18:33

witin bui yang mini nani, snapuka mina nani baku ai dauki ba, witin mita sika, pura tasbaya nani ra bapi bûi kaia ba ai dauki ba,

Lawana Nani 33:18

Kaiks, Dawan nakra nani ba baha nani witin ra sibrin luki ba kat aihwaki kaikisa. Witin ra kulki bara kasak luki latwan kaiki nani ba kat kaikisa,

Lawana Nani 34:10

Diara ailal bri nani ba, kli diara âpu takisa, bara witin nani plun wahwisa, sakuna baha nani Dawan pliki ba, diara kumi sin luha kabia apia.

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Lawana Nani 62:7

Gâd ra baman ai swaki sakan lâka bâra sa, bara ai kulkisa sa sin; witin sika kaini kahbaiki bara yukuwaiki sin.

Lawana Nani 90:1

Dawan, kan wina man wan yukuwaika watla ban sma, piua nani sut tilara.

Lawana Nani 91:14

“Yang bui swaki sakamna baha nani sut ba mihta wina, kan witin latwan ai kaikisa ai kakaira ba mita.

Sins Lâka 1:33

Sakuna yang ra ai wali uplika nani ba, kupia kumi lâka ra iwbia; bara pât briaia sip ba laihura kabia.”

Sins Lâka 10:9

Ya tras âpu ba sibrin kumi sin âpu sa; ya saura tauki ba, saura danh takbia.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 30:20

Âu, Dawan bui man nani ra pât wahwanka maikisa, sari tilara sma ba wina plun, lâ maikisa, sakuna witin sika smasmalkrikam, man wina ban yukuwi baku kabia apia; ban sakuna, namkra ni smasmalkrikam ba man kaikma.

Aiseya 32:18

Bara upliki nani ba kupia kumi pliska ra iwbia, kli pât munras watla nani ra iwbia, ris bri lilia kabia,

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 58:14

Naha daukisma kaka, man bui yang ra liliakam sâkma, yang mai brih wamna, kuntri purara ba purak lui pura luanka briaia. Bara papikam Jekob prapatika ba wina liliakam briaia mai daukamni.” Dawan, naha kasak aisisa.

Jirimaya 37:21

Bara king Sedequías win Jirimaya ba king dimi watla latka ra aihwawakra bâra ba ra swibia, bara yabal ra brit angki ba wina yu bani brit kum bri si yabi kabia. Witin nani win baku dauki kabia yabal ra brit nani angki ba piua ra. Bara baku Jirimaya king watla latka ra bâra kan.

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Abakuk 3:19

Kan Dawan wina yang karniki aikisa; sula ai karnika brih plapi ba baku witin mita kuhmi dusa nani ra karniki aikbia, bara yang plapi il nani ra uli swak takamna.

Matiu 6:11

Naiwa wan yua pata ba wankma.

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”