Aiseya 32:18 - DAWAN BÎLA AISKA

¹⁸ Bara upliki nani ba kupia kumi pliska ra iwbia, kli pât munras watla nani ra iwbia, ris bri lilia kabia,

Aiseya 32:18 ပူးပေါင်းရင်းမြစ်များ

Lawana Nani 107:7

Baha ningkara yabal yamni ra mai mangkan tawan kum bahara iwaia.

Impakan Sturka 9:26

Idsip tasbaya aiska ra baku diara saura pali taki kan, sakuna Gosen tasbaya ra Israel luhpia nani iwi kan ba tilara lika, ais mâ sirpi kumi sin auhras kan.

Sins Lâka 24:15

Man upla watawikira bui upla kasakkira watla ba nina maya dimi aihwakpara; ai bawaika ba sin sauhkpara,

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 14:3

Israel luhpia nani, Dawan mita man nani ra ris briaia maikbia, trabil saura takisma ba wina, sarkam tara brih banhwisma ba wina, bara sin alba lâka saura ra mai brih wankan ba wina sut pri mai sâkbia piua ra,

Aiseya 2:4

Dawan mita nisan bani tilara lâ daukbia, upla ailal aiklabanka ba wapni daukbia. Aiklabaia sordka ba tasba tukbaika daukbia, ai langsika nani ba, plawar mâ klakaia sord buhla daukbia. Nisan kum, nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Aiseya 28:12

Gâd upla nani ra kainara pat win kan: “Nahara sa wan riska ba, swapan nani ba ris bribia.” Sakuna witin nani baha walaia apia win.

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Aiseya 33:6

witin mita kaina kaiki ban kabia. Sins lâka ba bara diara tânka kaikaia tânka ba sin diara kukanka bara swaki wan sakisa; Dawan sibrinka lâka ba wan dukia kukanka kum sa.

Aiseya 65:21

Utla nani mâki ba, baha watla nani ra iwbia wain nasla nani mangkbia, bara baha mâ nani ba wina ai pata pibia.

Aiseya 65:9

Yang daukamna Jekob ai kiamka nani briaia bara Juda ra upla bâra kabia yang ilki nani ra iwaia, bara yang mita bâk sakri nani ba tasba ba ai dukia bribia, yang duki dadaukra nani ba bahara iwbia.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Sakaraya 3:10

Baha yua balbia ba ra, man nani pana pana walkam ra paiwi kama wainkam kiwka, kwahkam dusa distika ra sin iwi kaia, kupia kumi lâka tilara, lilia kaia dukiara. Yang, karnika sut brisna Dawanka ba, kasak aisisna.’ ”

Hibru Nani 4:9

Baku bamna, Gâd uplika nani riska holikira kau kum bâra sa;

1 Jan 4:16

Bamna baku yawan sip kan kaikaia bara kasak lukaia, Gâd mita latwan wan kaikisa. Gâd ba latwan lâka sa; bara ya latwan lâka ra iwi ba lika Gâd ra iwisa, bara pana Gâd lika witin ra iwisa.