Aiseya 30:2 - DAWAN BÎLA AISKA

² Witin nani istikira Idsip ra auya, sakuna witin nani ba yang bîli wina lika makabi walras; king fero karnika wal ai tâ baikaia dukiara, Idsip tnaya distika ra dimi bîla kaikanka brisa.

Aiseya 30:2 ပူးပေါင်းရင်းမြစ်များ

1 King Nani 22:7

Bara Josafat mita win: —¿Naha tani ra Dawan prapitka wala kum âpu sa ki, yawan bui witin nani ra sin makabi walaia?

2 King Nani 17:4

Sakuna Salmanasar ai adar walan Oseas yukuwan ra ai mapara diara daukaia luki kan ba, bara upla nani kum kum saki Idsip kingka So ra blikan, baha purkara lal mana aibapras kan mani bani aibapi kan mânka ba. Bamna Salmanasar adar yan Oseas ba alki silak ra mangkbia wisi;

2 King Nani 18:21

Yang kaikisna man ba Idsip uplika nani ra tniwisma. Baha pain, Idsip ba kayu taiban yuya baku sa, bahara tniwisma ba, ya bahara tniwi ba ai mihta bâk silak dimi mâ walak lubia. Baha sika king fero Idsip kingka, ya uplika nani witin ra kasak lukbia kaka, baku takbia.

Aiseya 16:3

Saion ra aisi wisa: “Daukaia lukanka bri nani ba dauks, kan kahbaia dukiara yang nani tâiwan aiklabaia ba man bris. Distikam ba lapta lila kat mangks, tihmia ra baku; ai tasbaya wina kangban nani ba yukuks, ai yabalka tiki tauki nani ba, waihla mihta ra mangkpara.

Aiseya 18:1

Saura kabia baha tasbaya wina, daiwan lupia nani tnawa binka dauki ba, Etiopía awalka nani baila wala ra bâra ba;

Aiseya 36:6

Yang kaikisna man ba, Idsip uplika nani ra tniwisma, baha pain; Idsip ba kayu yuya baku yaba, bahara tniwisma, ya bahara tniwi ba, ai mihta bâk silak dimi mâ walak lubia. Baha sika king fero, Idsip kingka, ya uplika nani witin ra kasak lukbia kaka, baku takbia.

Aiseya 36:9

Nahki muni man aiklaklabra wihtka kum mapara buisma, man sip apia sma wihtki tara albika kau sirpi bara munrika plapaia, ¿bara ban sin lukisma, Idsip araska nani ba bara uplika nani ba sut briaia?

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Jirimaya 2:18

Bamna nanara, ¿dîa brinka brisma Idsip ra waia Nilo awala wina lî diaia? ¿Dîa brinka brisma Asiria ra waia Éufrates awala wina lî diaia?

Jirimaya 37:5

King fero aiklaklabra daknika ba Idsip wina takan ba ra, Caldea uplika nani Jerusalem mapara aiklabi kan ba baku walan, bara witin baha wina taki mahka wan.

Jirimaya 42:14

witin nani aisisa: ‘Idsip ra waia brin ai daukisa, bahara yang nani war aiklabamna apia, trumpit puhbi binka ba sin walamna apia, yang nani sin sanglang pruamna apia’, wima kaka,

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Jirimaya 42:20

Man nani mistik saura kum daukisma man nani bal yang ra makabram, yang Dawan Gâdkam ra makabaia, man nani naku ai wiram: ‘Dawan wan Gâdka ra yang nani tâiwan man puram suns, bara witin dîa yang nani ra aisabia ba sut ai wis, baha yang nani daukamna.’

Jirimaya 43:7

Dawan aisi ba walras, witin nani sut mahka impaki Idsip ra wan, Tafnes tawanka ra takaskan.

Inanka Nani 4:20

Silak watla kat kauhan sa Dawan bâk sakan uplika ba, wan rayaka ra wingka puhbra yabi kan ba, king baha pali dukiara aisi kan ba. ‘‘Ai distika ra tawan nani ba tilara iwi kabia.’’

Oseas 7:13

“¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Oseas 8:10

Sakuna nisan nani tilara, prisant nani yaban kabia sin, nanara yang auna munrika swih plapaia bara piua kum witin nani ra yabamna, king nani bara wihta nani âpu kaia ba.

Oseas 8:9

Asiria ra hilpka briaia wan, biriku wail kum kupia karna ba baku. ¡Efraín lika prisant nani yan, ai latwankira nani atki briaia!

Kulki Kaikanka 27:21

Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Kli Smalkanka 28:68

Bara Dawan mita mai win kan Idsip yabal kat kli wama apia, ban sakuna duri tara ra mai mangki kli mai lakbia, bara waihlam nani ra alba baku mai atkbia; kuna upla kum sin atki mai briaia brin daukras kabia.”

Jasua 9:14

Israel luhpia nani bui Gabaón uplika nani pata ba wiria brih pih kaikan, sakuna witin nani Dawan ra ai pura suni baha tânka dukiara lika makabi walras kan.

Wihta Nani 9:15

Bara kiaya dusa ba witin nani ra win: ‘Âu, man nani kasak pali aihwa yang na man nani kingkam ai mangkaia brin mai daukisa kaka, man nani sut yang distiki ra bal dimaia sma; sakuna yang na man nani kingkam aimakaia brin mai daukras kabia kaka lika, yang wina pauta klauhan buki klauhbia bara Líbano ra yalam dusa nani ba sut angki sauhkan kabia.’