Aiseya 30:13 - DAWAN BÎLA AISKA

¹³ baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Aiseya 30:13 ပူးပေါင်းရင်းမြစ်များ

1 King Nani 20:30

Wala nani lika Afec tawanka ra plapi banhwan, sakuna tawan kutban nani ba wina 27,000 aiklaklabra purara kauhan. Ben-hadad sin tawan ra plapi bal bahara yukuwi kan, utla kumi wina utla wala ra yukuwi tauki kan.

Job 36:18

Kaiki bas diara mana mai atkbiara, lalah ailal mita yabrika kupiam alkbiara.

Lawana Nani 62:3

¿Ahkia kat man nani aiklabi puri luma bara mâyara ai batakma, sim utla kutbanka ra tuktan kauhi ba baku, apia kaka kutbanka kum tasba ra kauhaia man ba baku?

Lawana Nani 62:4

Tasba kat ai batakaia baman lukisma, brinkam kau tara ba sika kunin ba. Bîlam wal lika yang ra mayunisma, sakuna lukankam wal lika ai lahtubisma.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Sins Lâka 6:15

Baha mita minit kumi ra sauhki tikan lâka ba balbia; wan nakra klipan kumi ra. Hilp âpu kira aisawi takaskan kabia.

Aiseya 22:14

Bâra sika karnika sut bri Dawanka ba, yang ra param taki bara kiaima kat ai aisan: “Naha saurka daukram na, man nani ra ban swih tikan kabia apia; bara man nani pas pruma.” Dawan karnika sut bri ba aisin bîla nani sa.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 47:11

Sakuna diara saura ba ban man puramra balbia, sukia warkka daukisma ba mita sip takaskbia apia; diara saura tara kum man puramra kauhbia, man mita sip takaskma apia; pât kum man bîla kaikras sma ba damra walras kira aihni puramra balbia.

Aiseya 48:3

Patitara wina, diara luan nani dukia ba pat mai wîri; yang pali mita sika baha nani ba man kaikaia aisari. Tit bûi daukri bara baku dukia nani ba pain takan.

Aiseya 58:12

Uplikam nani ba tawan almuk sauhkanka nani ba paskbia; handat mani nani luan ra playka nani bapan ba kli karna daukbia, bara nina ba mâkan kabia ‘tawan kutbanka kauhanka papaskra nani ba’, ‘yabal aisawan nani ba kli papaskra, upla bahara iwaia dukiara.’

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Matiu 7:27

Lî ba auhan, awala nani ra lisamra dingkan, pâsa nani sin watla ra prukan; ¡bara aiska pali kauhi aisawan!”

Luk 6:49

Sakuna ya yang bîli wali, dîa wisna ba kat daukras ba lika waitna kumi ai watla paskan ba baku sa, witinka ba ai watla playa ba kasak bapras kan; bamna lisamra dingkan ba pupuhki, ai karnika aiska ni watla ra prukan ba ra, aiska pali kauhi slingwan.”