Aiseya 29:9 - DAWAN BÎLA AISKA

⁹ ¡Man nani lamla karna bas, diara walras! ¡Man nani blain ban bas, diara kumi sin kaikras! ¡Wain di bla takram ba baku pirwi bas, ban kra wain piawi takan ba diras kama sin!

Aiseya 29:9 ပူးပေါင်းရင်းမြစ်များ

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 19:14

Dawan mita spiritka ba aihka munan, kupia turbanka baman takan tanis tiwaia daukan witin nani ai tila kat, bara witin nani Idsip ba aimawahkan, kunin munan yabalka bâk brih auya, bla kum aikabi, pirwi ba baku.

Aiseya 29:1

¡Saura pali kabia Ariel mapara, Ariel, baha tawanka tara ra Debit ai kiampka bapan ba! Kau mani kum kum witin ai liliaka dauki ba piua lubia ba ra,

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 51:17

¡Rawi bus! ¡Rawi bus! ¡Jerusalem, rawi bus! Dawan klalka ba wauhram, kupia baiwanka kapka ba diram, man ban bla takram ba kat.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Aiseya 63:6

Bara yang kupi baiwanka ni upla nani ba mini ra taibri, witin nani ba yang lawanki ni sauhki tikri, bara ai tâlia ba tasba ra laikri, yabal ra sin yâri laiwi kan.

Jirimaya 13:13

Bara man pana witin nani ra wima: ‘Dawan ba aisisa: Naha kuntrika ra iwi uplika nani ba sut yarka bla takbia; king nani Debit iwaika ra iwi ba sut, prîs nani ba, prapit nani bara Jerusalem ra iwi nani ba sin sut.

Jirimaya 2:12

¡Kasbrika pura, sirang tara iws naha diara nani taki na sringka! ¡Sibrin tara pali mita tatatwi bas! Yang, Dawan, kasak aisisna.

Jirimaya 23:9

Baha bîla prapit nani ra aisin ba: Kasak pali yang ra ai turban; wîni aiska tatatbisa, laya tahpla diri baku sna, waitna kum wain mita pura lui taiban ba, Dawan tâwan sika ai bîla holi ba tâwan sin.

Jirimaya 25:27

Baha ningkara Dawan kli ai win: “Witin nani ra wis yang, Dawan karnika sut brisna, Israel Gâdka ba, adar yabisna dih bla takbia ba kat bâra aikabia bara tasba ra kauhbia bara baha wina kli bubia apia, war man nani ra blikamna ba tâka mita baku takbia.

Jirimaya 4:9

Dawan kasak aisisa: “Baha yua ba aimakbia ba ra king ba wihta nani ba sibrin mita tatatwi kabia, prîs nani ba sin sibrin tara daukbia bara prapit nani ba sin sirang ikan kabia.”

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Abakuk 1:5

Bara Dawan pana witin ra win: “Aihwaki kaiki bas nisan nani tnamya kir mai kutbi bri ba; man nani kaiks bara sirang tara iwi kama. Yang mahka baha dukia sâtka nani daukaia pat baila sna, man nani baha sturka walma ba ra, sip kasak lukma apia, upla kum bal mai wibia kaka.

Matiu 26:45

Bara disaipil nani bâra kan ba kat bal, win: —¿Man nani kau ban yapi bara ris brisma ki? Upla Luhpia Waitna, upla saurakira nani mihta ra ai mangkaia awarka ba aimakan sa.

Mark 14:41

Bara kli aima yumhpa ra balan ba ra, Jisas bila baha nani ra: —Nanara lika man nani yaps, riskam bris. ¡Aitani sa! Kaiks, Upla Luhpia Waitna ba upla saurakira nani mihta ra mangkaia awarka ba aimakan sa.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.