Aiseya 29:7 - DAWAN BÎLA AISKA

⁷ Waihlam nani kwâra tara Ariel mapara aiklabi ba sut tihmia ra yaprisauhkan ra baku kangbi sakan kabia, baha nani sut witin mapara aiklabi ba, baha sut witin ra taiban lâka ra mangki ba sin.

Aiseya 29:7 ပူးပေါင်းရင်းမြစ်များ

Job 20:8

Yaprisauhkan baku âpu takan kabia, tihmia ra diara aihka kum kaikan ba baku, upla kumi mita sin ai tânka briras kabia.

Lawana Nani 73:20

Dawan, man mahka buma ba ra upla kum yapi si buya baku, bara witin nani kuninkira mawan ba saura misbara kaikma.

Aiseya 17:14

Tutni piua ra, kaiks kupia turbaia lâka baman kabia, sakuna kau yu baiwras ba ra, waihla ba ban bâra âpu sa. Naha sika wan taibi bri nani ba, wan dukia nani dakbi bri ba sin, witin nani rau wan sauhki ba lap tiwbia.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 40:17

Nisan nani sut ba, witin ai mawanra diara apia baku sa; witin wal praki kaiki kulki kaiki ba ra, diara kum âpu ba baku sa.

Nahum 1:15

¡Kaiks! ¡Il nani pura bâk pat aula sa, kupia kumi takaia sturka ba brih aula uplika ba! Juda, liliakam dauks, man pramiskam nani ba alki dauks. Upla saurakira nani ba, kli aima wala ra sin mai kutbi alkbia apia; witin nani ba aiska pali sauhki tikan sa.

Nahum 2:1

¡Ninibi, âpu mai sauhki daukaia uplika ba man mampara dimi aula sa! ¡Kan kahbaika pliska ra mahka aihwaks! ¡Yabal bîla nani ba, aihwaki kaiki bas! ¡Sordkam ba maisam ra wilki bris! ¡Karnikam nani brisma ba asla dauki bris!

Sakaraya 12:9

Baha piua ra ani nisanka Jerusalem mapara bubia ba, sauhki tikamna.