Aiseya 28:29 - DAWAN BÎLA AISKA

²⁹ Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 28:29 ပူးပေါင်းရင်းမြစ်များ

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Lawana Nani 118:23

Naha na Dawan wina kata; bara yang nani diara aihka kaiki banhri.

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.

Lawana Nani 92:5

Man Dawan, ¡nahki warkkam nani ba tara sa! ¡Nahki lukankam nani ba tihu sa!

Lawana Nani 92:6

¡Upla sinskas nani baman baha tânka sip briras!

Sins Lâka 8:14

Wark daukaia tânka ba yang ra sa, bara baha daukaia ba sin, yang sika wapni daukaia lâka, karnika sin.

Aiseya 28:28

Plawar ba taya sakisa, sakuna takaskras taya saki kabia apia; ai karitika wilwaika ba ni mâ ba akbras, taya sakaika napa ba ni sin mâ ba krikras.

Aiseya 31:2

Sakuna witin sin sinskira sa, bara klala saura nani bri balbia, bara ai bîla nani aisin ba kli lakbia apia. Witin saurakira nani ba mapara aisabia, baha nani watawika lâka dauki nani bara hilp muni nani ba mapara sin.

Aiseya 41:20

tasba ra upla sut baha kaiki tânka bribia dukiara, witin nani ai tânka bri kaia sa bara sut sin tânka bribia, yang Dawan sna na, baha sut ba karniki wal daukri ba. Yang, Israel Gâdka Holikira sna, baha ba paskri.”

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.