Aiseya 28:12 - DAWAN BÎLA AISKA

¹² Gâd upla nani ra kainara pat win kan: “Nahara sa wan riska ba, swapan nani ba ris bribia.” Sakuna witin nani baha walaia apia win.

Aiseya 28:12 ပူးပေါင်းရင်းမြစ်များ

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 29:12

Bara baku wauhkataya ba, aisi kakaira apia ba ra yabia kaka, bara witin ra wibia: “Nanara man naha na aisi kaiks”, witin sin wibia: “Yang wauhkataya aisi kakaira apia sni.”

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Aiseya 32:17

Kasak lâka daukanka nani ba wina kupia kumi lâka takbia; kasak lâka warkka nani ba wina ris briaia, wan kupia kumi lâka ban kaia ra briaia bal takbia.

Aiseya 32:18

Bara upliki nani ba kupia kumi pliska ra iwbia, kli pât munras watla nani ra iwbia, ris bri lilia kabia,

Jirimaya 44:16

—Baha bîla Dawan aisin wisi man bui yang nani ra ai wiram ba walamna apia.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Sakaraya 7:11

Ban sakuna, Dawan aisin ba, upla nani wali daukras kan. Sut ai kiamapara dauki si bara ai ninara tawan.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.