Aiseya 27:9 - DAWAN BÎLA AISKA

⁹ Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 27:9 ပူးပေါင်းရင်းမြစ်များ

2 King Nani 10:26

Bara Baal lilka nani paskanka priaska watla ra kan nani ba sut sakan, bara angkan.

2 King Nani 23:14

Bara sin lilka walpa ni paskan kan ba, yuya baman krikan, dus playa nani ra dawan ra kulki baku kan ba sauhki tikan, bara baha watlika ra upla dusa nani wal baman banhkan.

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

2 Kronikas 14:5

Juda wina altar bahki pura sunaia pliska kan ba sut sakan, witin ai piua sut ba kupia kumi lâka bâra kan.

2 Kronikas 34:4

Josías kaiki kan witin nani Baal altarka nani lilka nani sât sât daukan ba sut sauhkan. Baha purkara, Josías sin blikan wan pura pliska nani ra kîa yamni angki kan altarka nani ba sin slingbaia. Bara Aserá lilka nani ba sin kriki yuya sirpi baman daukaia blikan, aidul nani ba, lilka paskan dukia nani ba baha nani sut ba yuya baman daukan.

2 Kronikas 36:19

Baha purkara Gâd tempelka ba angkan, Jerusalem kutbanka nani kan ba slingban, king watla nani ra sin pauta angkan, bara diara manakira nani kan ba sut sauhki tikan.

Lawana Nani 119:67

Kau mâyara bawras kapri bara tanis lâka manis daukri, sakuna nanara, yang bîlam wali daukisni.

Lawana Nani 119:71

Mâyara bawaia lâka ba, yang ra yamni takan, baku sika yang, man lâmka nani lan takri.

Impakan Sturka 34:13

Man nani was bara altar diara angkaia watla bri ba bataks; lilka bahki nani bri ba kriki tiks, walpa ni lilka daukan nani ba sut âpu dauks.

Sins Lâka 20:30

Watawi lâka ba, prukanka nani bara klahwanka nani mita rakisa, prukanka nani ba mita, wan kupia lukra ra rakisa.

Aiseya 1:29

Usupum dusa nani ra latwan kaikram ba mita, man nani swiram daukbia, dus mâ nasla nani bâk saki briram ba mita sin, bahki mai kulkan kabia, bahara aidul nani ra puram suni katma ba.

Aiseya 17:8

Bara altar nani paskan ba ra kli tawi kaikbia apia, diara wala nani upla ai mihta ni paskan dus plamaya holikira nani ba ra sin kaikbia apia, baha altarka nani ra kîa yamni angki gâd nani ra yabi ba ra sin kaikbia apia.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 40:2

man nani Jerusalem ra ba latwan kaiki aisas, witin ra wis alba kaia piua kan ba pat luan, ai saurka nani pâtka mana ba pat aibapan, ai saurka nani ba tâwan yang mihti wina klala pat aima wâl brin.”

Aiseya 48:10

Yang sunu mai sakri, sakuna silbar ra dauki ba baku lika âpu, sakuna kubus tara ra baku pât wahwaia.

Isikiel 11:18

Witin nani kli tawi balbia ningkara, ai kuntrika ra diara saura nani dauki ba sut âpu daukbia, diara yamni apia nani witin ra ba sin.

Isikiel 20:38

Mapara babura bara turbanka dadaukra nani ba wina dakbi mai sakamni, bara nanara upla tasbaya ra iwisma ba wina mai sakamna; kuna witin nani Israel tasbaya ra dimbia apia. Bara baku man nani damra walma, yang sika Dawan sna ba.

Isikiel 6:4

Altarkam nani ba pîs ra baman daukamni man nani sakripais daukisma pliska ba, bahara kîa yamni angkisma ba. Daukamni uplikam nani ba prui banhbia aidulkam nani mawanra.

Daniel 11:35

Baku sin upla nani ra smalki kan ba kum kum ra nina bliki rausauhkan kabia, baku mika tânka ba pliki kaikan kabia, sut ba holi bara kasak lâka daukbia, baha piua mangkan ba tnata alkbia ba kat.

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Miqueas 5:11

Man nani tasbayam ra tawankam tara nani ba sin sauhkamna, kan kahbaikam pliska nani ba sut batakamna.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Roman 11:27

Bara naha sika yang bui witin nani wal lâ daukri ba, yang bui witin nani saurka ba sut sakamna ba ra.”

1 Korint 11:32

Sakuna Dawan wan lâka dauki ba ra, klala wankisa, tasba uplika nani aikuki pât ra wan dingkan kabia apia dukiara.

Kli Smalkanka 12:3

Ai altarka nani ba slingbi tiki, walpaya nani ba sin pîs ra baman dauks, bara playka nani bapi ba ra mayuni nani ba sut angks lubia. Gâd bahki lilka nani ba sut sauhki tiks, nina ulban pliska nani ba sin diki sâks.

Hibru Nani 12:6

Kan Dawan ba ani uplika ra latwan kaiki ba, wapnika mangkisa, bara ai luhpia baku bri ba bani ra, klala yabisa.”