Aiseya 27:5 - DAWAN BÎLA AISKA

⁵ Man brin mai daukisa kaka, yang mita kan kahbamna, yang wal kupia kumi lâka dauks.”

Aiseya 27:5 ပူးပေါင်းရင်းမြစ်များ

Job 22:21

Kli mahka pali Gâd wal kupia kumi taks, baku lika kli kainamra yamni impakma.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Aiseya 42:19

Upla kumi sin blain bara kiama prawan wina wala âpu sa yang duki dadaukra, bâk saki briri ba baku, upla wala âpu sa kau blain bara kiama prawan yang bîli twatwilkra Dawan dukia dadaukra ba baku.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 56:2

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!

Luk 14:32

Witin sip apia kaka, king wala ba kau laihura sa ba ra, upla nani bliki makabuya wal kupia kumi takaia.

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

Jasua 10:6

Bara baku sin Gabaón ra iwi kan nani ba mita Jasua ra ai bîla bliki win, witin lika Guilgal kiamp ra kan ba: “Dukiam dadaukra nani ra man nani bui hilp wan munaia apia lika wipara. Pat muni bal hilp wan muns, wan tâ baiki hilp wan muns, kan amorreo kingka nani sut unta ra banhwi ba asla takan sa wan mapara aiklabaia.”