Man kupiam ra wisatma: ‘Kasbrika purara uli wamna; waitla daukamna, Gâd slilma nani paskan ba tilara; iwaiki bahara paskamni, bara king baku iwamni, yahbra tani nani ra, baha ilka ra, gâd nani asla taki ba pliska ra.
Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.
“Bal iws, Babilon tiarika mairin, kau mayam âpu sma ba, bara tasba pukpuka ra iws; iwaikam wina iws, Caldea wina tiarika mairin, bara tasba ra iws, kan kli mai wibia apia man ba swap lupia painkira.
Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.
Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.