Aiseya 26:20 - DAWAN BÎLA AISKA

²⁰ Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Aiseya 26:20 ပူးပေါင်းရင်းမြစ်များ

Blasi Sturka 7:1

Baha ningkara Dawan Noa ra win: “Man, wamtla bîla uplika nani sut ark watla ra dims, kan naha piua uplika nani tilara, man baman kasakkira mai kaikisni.

Blasi Sturka 7:16

Bara daiwan sâtka bani balan ba, wainhka kum bara mairin, Noa ra Gâd adar yan ba kat daukan. Bara baha nani sut diman ningkara, Dawan mita ark watla durka ba prakan.

Job 14:13

¡Baku kaia kan, yang ba prura kingka tasbaya ra yukuwaia katna, kupiam baiwanka ba bal lui wabia ba kat, bara piua kumi mangkma yang dukira kupiam kraukaia!

Lawana Nani 143:9

Waihli nani wina dakbi ai sâks, Dawan; kan yang lika man ra yukuwaiki plikisna.

Lawana Nani 17:8

Namkra yula baku main ai kaiki ai bris; tnamwa nani distika ra ai yukuks,

Lawana Nani 27:5

Yua saura nani balbia ba ra, Dawan ai watla ra ai yukukbia; ai distika ra ai dingkbia, ¡witin walpa tara purara ai swaki ai sâkbia!

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Lawana Nani 31:20

Man bâra sma ba kan kahbanka wal, watawikira nani mita saura munaia luki ai lâka nani dauki ba wina pri sakisma; waihla nani mita waihla kulki swira paski ba, wina, wamtla bahna munhtara yukuki brisma.

Lawana Nani 32:7

Man sika yang yukuwaiki watla: pât ai alki ba wina man kaini kahbisma, pri sakan lawana nani ni kaini kir aiwanisa.

Lawana Nani 57:1

Gâdki, kupiam swapni ai kaiks, swapni ai kaiks; yang lika man ra yukuwaiki plikisna, tnamwa mununhtara dimi yukuwamna pât ba lubia kat.

Lawana Nani 57:2

Gâd Laih Purara iwi ba ra winaisna baha Gâdka diara sut ra hilp ai muni ba.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Lawana Nani 91:4

witin ai tnawa mununhtara mai yukukbia, baha tnawa mununhtara pât luha kama. ¡Ai kasakka lâka ni, man kainam kahbi kabia!

Lawana Nani 94:13

Baku yua saura balbia piua ra ai âuyapah kabia, bara watawikira nani ba kainara lika unta salhkan kum ridi dauki swin sa.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Sins Lâka 22:3

Aman kaiki uplika ba, diara saura kaiki bâra takaskisa; sakuna dahra yamni walras nani ba, ban ai tâura auya bara pât ra dimisa.

Aiseya 10:25

Sakuna naha wina pat pali kau piua wihka waras ba ra, klala nani ba brih balan kabia, kupi baiwanka bara lawanki ba mita, witin nani ba sauhki tikan kabia.

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 13:5

Kuntri kum laih pali ra bâra ba wina aula, baila wala tani ba wina sin. Dawan ai kupia baiwanka aiklabaika dukia nani ba wal, tasba aiska ba sauhki tikaia aula.

Aiseya 34:2

Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Aiseya 51:16

kasbrika pura bara tasba sin paskri. Twisam ra bîli nani mangkri aisaia, mihti distika ra kainam kahbri. Yang Saion ra wîri: ‘Man ba yang upliki nani sma.’ ”

Aiseya 51:4

“Aman yang ra wals, yang upliki nani, bara ai wals, nisanki nani: kan yang wina lâ smalkaia ba bal takbia, bara yang kasakki lâka ba upliki nani ingnika kaia dukiara.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Jirimaya 31:14

Daukamni prîs nani ba plun kau pain ba piaia yang tawanki ba ai lilia bribia diara ailal brisna ba wal. Yang, Dawan, kasak aisisna.”

Jirimaya 7:23

Yang bui witin nani ra wîri ba lika yang bîli wali kaia bara yang lika witin nani ai Gâdka kamna, baku witin nani sin yang upliki nani kabia. Bamna yang dîa aisari ba witin nani dîa daukaia wîri ba baku dauki kaia, diara yamni witin nani takaia mata.

Isikiel 11:16

Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Sofonías 2:3

Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 6:6

Sakuna man puram sunma ba ra, rumkam bilara dimi, durkam praks bara puram suns, witinka bahara man wal sa. Baku, yukuwi daukisma ba kaiki, prisantkam maikbia.

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.