Aiseya 26:2 - DAWAN BÎLA AISKA

² Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 26:2 ပူးပေါင်းရင်းမြစ်များ

Lawana Nani 106:5

Bâk saki briram uplika nani liliaka ba yang kaikamni, baha nani liliaka ra yang sin lilia takamna, baha uplika nani man uplikam ba wal.

Lawana Nani 118:19

¡Tempel durka nani ba sâks, yang bahara dimi bara Dawan ra tingki wimna!

Lawana Nani 118:20

Naha sika Dawan durka ba, baha bâk sika upla kasak nani ba dimbia.

Lawana Nani 24:7

¡Ban kaia ra getka nani ba, param taks, param banhwi bas wâl wâl ra bara king pranakira ba dimbia!

Impakan Sturka 19:6

Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 54:14

Kasakka lâka, wapni lâka ni karna mai daukan kabia. Taiban lâka wina laihura kama; sibrin mai daukbia apia, si briras kama, kan sibrin mai dingki ba, lamamra âpu kabia.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Aiseya 58:8

Bâra mika ingnikam ba bal takbia yu baiwi uluya ingnika ba baku, bara man insauhkankam ba, isti pali pain takma; bara kasakkam lâka ba kainamra wabia, bara yang praina ba man wal kabia.

Aiseya 60:11

Durkam nani ba piu bani param ban kabia; kakna ra, tihmia ra sin prakan kabia apia, baha ba man ra nisan nani dukia kukanka nani ba bri balan kaia dukiara, bara kingka nani ba, ai uplika nani sin man ra bri balbia.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 62:1

Saion ra latwan kaikisna bamna, bîli prakamna apia; Jerusalem, latwan mai kaikisna bamna, ris brimna apia pura luram ingnika bal takbia ba kat, swaki mai sakan lâka ba lamp ami ingnika baku ambia ba kat.

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Aiseya 62:2

Nisan nani ba kaikbia man swak takan lâka sma ba, king nani ba sin sut man pramna ba kaikbia. Bara man ninam raya kum, Dawan wina mâki maikbia.

Sakaraya 8:20

Dawan, karnika sut bri ba, naha aisisa: “Tawan tara nani ra iwi uplika nani ba sin balaia sa.

Apastil Nani Sturka 2:47

Witin nani Gâd nina mayuni kan, bara upla nani sut mita pain pali kaikan; bamna yu bani Dawan mita swaki sakan uplika nani ba kau kau sal witin nani daknika ra asla praki kan.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

2 Pita 3:13

kuna yawan lika, Gâd pramis taki win ba kat, kasbrika raya bara wan tasba raya ba bîla kaikisa, bara bahara lika diara sut ba kasakkira bara pain baman kabia.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.

Param Marikanka 21:24

Tasba ra iwi uplika nani swaki sakan ba, baha tawanka ingnika ra wapi kabia, bara tasba kingka nani ba ai prana bahara bri bal dingkbia.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.