Aiseya 26:15 - DAWAN BÎLA AISKA

¹⁵ upla nani ba man mita ailal daukram, Dawan, man upla nani ba ailal daukram, witin nani man pramna dukiara, tasba aiska lainka nani kat man bui upla nani ba yakabi lakram.

Aiseya 26:15 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 13:16

Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia.

1 King Nani 8:46

“Ban kra mampara saurka daukbia kaka, upla kumi sin âpu sa saura daukras ba, bara man bui witin nani ra kupiam sauhki, ai waihla nani mihta ra mangkma kaka, witin nani ba alki priski brih wabia, waihla tasbaya ra, laihura kra, apia lamara kra,

2 King Nani 17:23

Lâs kat Israel luhpia nani ba Dawan mita ai mawan ba wina sakan, sip pain takras kan bamna, dîa witin prapit nani bâk aisan ba kat, bara Israel luhpia nani ba Asiria ra alki brih wan, naiwa yua ba kat ban bâra sa.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 King Nani 23:27

Baha mita Dawan bui sin win kan ai mawan wina Juda ba sakbia Israel ra sakata ba baku, bara naha tawanka na lulki swibia, Jerusalem bâk sakan kan lulkan ba baku, bara baha tempelka watla dukiara witin win kata ba baku, ai nina ba bahara ban bâra kabia.

Nihimaya 9:23

Yaram ai luhpia nani sin ailal, kasbrika ra slilma nani ba baku sahwan, baku sin yaia wiram ba tasbaya ra brih waram, bahara ai tasbaya bribia, ai aisika nani ra yaia wiram tasbaya ba.

Job 12:23

Witin nisan nani ba tara daukisa, bara âpu sin daukisa; yakabrira daukisa bara kli sin asla daukisa.

Aiseya 10:22

Uplikam nani Israel ba, kabu auhika baku ailal kabia kra, sakuna dîa kau swin ba baman lika, kli tawi balbia. Sauhki tikaia lâka ba pat daukan sa bara kasakka lâka ba mita pura lui kabia.

Aiseya 33:17

Man namkra nani king ba kaikbia, witin ai prana ra iwi ba; namkra nani baha tasbaya laihura ba kaikbia.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 6:12

Dawan mita upla nani ba sut laihura yakabia, kuntrika ba wina upla sut pali taki wabia, bîla baman kabia ba kat.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 9:3

Dawan, man lilia tara kum bri balram; liliaka ba sin tara pali pura prakram. Witin nani sut man mamwanra lilia takbia insla dâki liliaka ba baku, upla ai dukia nani ailal bri ai yuyaka yui yabi liliaka tara dauki ba baku.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Isikiel 5:12

Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Kulki Kaikanka 23:10

Witin nani ba ailal tasba yuya baku sa; ¿ya ba sut kulkaia sip sa ki? ¿Ya sip sa baha numbika ba kulki sakaia? ¡Yamni kaia kan, baha waitnika kasakkira pat pruan ba baku pruri kata, yang pruamna bara witin nani wal baku kamna!”

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Jan 15:8

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Kli Smalkanka 10:22

Damikam nani Idsip ra wan piua ra 70 upla baman wan, sakuna nanara lika Dawan bui ailal daukan, kasbrika ra slilma nani ba baku.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.