Aiseya 25:4 - DAWAN BÎLA AISKA

⁴ kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 25:4 ပူးပေါင်းရင်းမြစ်များ

Lawana Nani 107:41

Witin umpira sari bri nani ra hilp munisa; ai watla uplika nani ra, ¡sîp daknika baku yan pâwisa!

Lawana Nani 119:31

Dawan, man lâmka nani mangkram ba kat alki bri kapri swira lâka ni aibanhpara.

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 121:5

Dawan bui sika aihwaki mai kaiki ba; Dawan sika man kainam kahbisa, witin sika man lamamra hilp mai munisa.

Lawana Nani 35:10

Lukanki aiska wimni: “Dawan, ¿ya ba man wal baku wala bâra sa? Karna nani, umpira nani ra pri sakisma. Baha nani witin wal kau karna nani ba, baha nani ra taibi dakbi ba.”

Lawana Nani 55:8

Kaini pat pali kahbaia kapri plapi wih; pâsa karna krawi ba wina, bara skwal saura ba wina sin.”

Lawana Nani 72:13

Bawikira nani ra ai kupia swapni bribia, bara umpira nani rayaka ba swaki sakan kabia.

Lawana Nani 72:4

King ba mita kasakka lâka daukbia, umpira nani ra. ¡Diara luha luhpia nani ra sin swaki sâkbia, upla tataibra nani ba ai mina ra taibia!

Lawana Nani 9:10

Dawan, man mai kakaira nani ba, man ra kasak lukisa, mai pliki uplika nani ra, lulki swiras sma.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 14:32

¿Baha kuntrika ra blikan uplika nani aula blikan pana dîa wibia? Dawan mita Saion ba nikbras, bûi kaia daukan, baha nani sarka pakan ba bahara bri yukuwaika ba yabia.

Aiseya 16:3

Saion ra aisi wisa: “Daukaia lukanka bri nani ba dauks, kan kahbaia dukiara yang nani tâiwan aiklabaia ba man bris. Distikam ba lapta lila kat mangks, tihmia ra baku; ai tasbaya wina kangban nani ba yukuks, ai yabalka tiki tauki nani ba, waihla mihta ra mangkpara.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 27:5

Man brin mai daukisa kaka, yang mita kan kahbamna, yang wal kupia kumi lâka dauks.”

Aiseya 28:6

lâ kasak daukaia spiritka yabia wihta nani lâ dauki bara suldiar nani ra sin kupia karna daukbia tawan ba kan kahbaia.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 29:20

Upla tataibra nani ba âpu daukan kabia, lawaska kakikra ba sin âpu tikan kabia; bara âpu tiwan kabia saura daukaia luki uplika nani ba.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 33:2

Dawan, yang nani ra umpira ai kaiks, yang nani lika man bîlam kaikisna. Man bui yang nani tâi baiki ai bris titan bani, wan trabil tara piua ra sin man wan swaki wan sakisma.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 49:25

Dawan kasak aisisa: “Âu, waitna karnakira dîa dakbi brin ba, kli mihta wina dakbia, upla tataibra diara brin ba, kli dakbi bribia. Man mampara unsabaia pliki nani ba mapara yang buamna; yang mita luhpia nani ba swaki sakamna.

Aiseya 57:13

Man hilp want winma aidulkam nani ba mita swaki mai sakaia apia, sakuna witin nani sut ba pâsa mita bri wabia, wingka puhbanka kumi ba mita witin nani ba lap tikbia. Ban sakuna, witin nani yang ra ai lukanka mangki bri ba tasba na ai dukia bribia, bara yang ilki holikira Saion ba alki bribia.”

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Isikiel 38:9

Man wama dista tara baku, kuntri ba bikaia, bara purara kauhma lâ tara baku suldiarkam sut aikuki bara nisan ailal nani ba wal.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.