Aiseya 25:1 - DAWAN BÎLA AISKA

¹ Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 25:1 ပူးပေါင်းရင်းမြစ်များ

Lawana Nani 111:4

Man warkkam aihka daukram ba, sip wan âuya tiwras. Dawan ba ai warkka aihkakira nani daukan ba; sip wan âuya tiwaia apia daukan. Dawan ba kupia swapni upla ra umpira kaikisa.

Lawana Nani 118:28

Tingki mai wisni man tara sma ba dukiara, kan man sika yang Gâdki sma ba.

Lawana Nani 145:1

Yang lika man karnikam dukiara aisamni, yang Gâdki bara yang Kingki; ninam ba mayunamni ban kaia ra ban.

Lawana Nani 146:2

Yang Dawan ra mayunamni, yang raya sna ba yua nani ra; Dawanki ra lawana aiwanamna yang kau raya sna ba piua ra.

Lawana Nani 31:15

Rayaki ba man mihtam nani ra sa; ¡waihli nani rau ai sauhkaia nini bliki ba wina dakbi ai sâks!

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.

Lawana Nani 40:6

Sakripais nani brih bal maikaia ba brin mai daukras; plun nani prisantka ba sin apia; daiwan wîna aiska angki maiki ba sin brin mai daukras, upla saurka ban swih tikaia prisantka angki maiki, pura sunra ba sin apia. Baku daukaia ba swi si, man, yang kiaima sturi walaika ba ilingkram.

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Lawana Nani 75:2

Dawan ba wisa: “Anira yang bâk mai saki brimna yua ra, lâ wapni tânka kat lâmka ba daukamni.

Lawana Nani 78:4

baha ba wan luhpia nani ra yukukamna apia. Wan luhpia nani wan kanra aula ba wal, Dawan ra yang nani mayunamna, ai karnika bri ba, diara aihkakira dauki ba aisamna.

Lawana Nani 89:1

Dawan, man kupiam yamnikira sma ba tânka, piua sut aiwani wimni; aima bani ban aisamni man ba kasak sma.

Lawana Nani 98:1

¡Man nani bui Dawan ra lawana raya kum aiwans, kan witin diara aihka daukan bamna! ¡Kan witin pura luanka ba alkan sa, karnika tara bara ai klahkla ba wal!

Lawana Nani 99:5

¡Man nani bui Dawan wan Gâdka ra mayuns, witin ai mina ra lulam kriki banhs! ¡Gâd holikira sa!

Impakan Sturka 15:2

Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Aiseya 11:5

Kasakka lâka prâka dimi kabia, wapni lâka sin.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 26:13

Dawan wan Gâdka, dawan wala nani man tnamya ra yawan wan dawanka aimakan, sakuna yang nani lika man baman wan Dawanka mai brisni.

Aiseya 26:8

Dawan, man lâ daukisma ba yabalka ra, yang nani bîlam kaikri: man ninam ra wan kupia kraukaia lâka ba briaia, baha baman sika yang nani sulki brinka pali ba.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 40:27

Israel, Jekob tawanka, ¿dîa kan brukwisma? ¿Dîa kan aisisma: “Dawan ba yang ra diara taki ba tânka briras, Gâd lika yang dukira lukras”?

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 46:11

Lalma tasbaya ba wina yang waitna kum paiwri, witin yakal baku balbia bara tasba laih pali wina yang aisari ba baku witin daukbia, yang daukaia luki kaikri ba baku sin daukamni.

Aiseya 49:4

Bara yang pat luki kaikatna: “Yang bahki ra wark takri, diara sin sakras, yang karniki nani ban tikri diara bahki ra.” Sakuna yang dîa daukri ba lika Dawan mihta ra sa, bara yang maina ba Gâdki ai karnika brisa.

Aiseya 49:5

Yang Dawan Gâdki mawanra kulkanka briri, kan witin ba sika yang karniki. Dawan ba ai paskan kan yaptiki biara ra kapri wina witin ai dukia dadaukra kaia dukiara bara yarka Israel ba, Jekob uplika nani ba, kli balbia bara witin ra asla takbia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Joel 2:26

Man nani pi âmyapah pali takaia praiska kat pima, bara Dawan Gâdkam ra mayunma, man nani dukiamra yang diara tara aihkakira nani daukri bamna. Yang upliki nani swira daukan ba yabrika ban kabia apia,

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

Param Marikanka 7:12

naku aisi kan: “¡Baku kabia! Mayunra ba, prana ba, sins lâka ba, tingki lâka ba, kulkan lâka ba, karnika ba, bara karna kaia lâka ba sut sin, wan Gâdka ra yan kabia, ban kaia ban kaia ra. ¡Baku kabia!”