Aiseya 24:21 - DAWAN BÎLA AISKA

²¹ Baha yua ra ban takbia, aiklaklabra daknika kasbrika purara bâra ba, tasba kingka nani tasba ba sut Dawan mita klala yabia.

Aiseya 24:21 ပူးပေါင်းရင်းမြစ်များ

Lawana Nani 76:12

Witin bui sika tasba wihtka nani rayaka saki ba, baku mika tasba aiska kingka nani ra sibrin yabisa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 24:4

Tasba ba lâwi bara srawbia, tasba aihka ba lâwbia bara sut srawbia, kasbrika purara bara tasba ra sin, sari lâka baman kabia.

Aiseya 60:11

Durkam nani ba piu bani param ban kabia; kakna ra, tihmia ra sin prakan kabia apia, baha ba man ra nisan nani dukia kukanka nani ba bri balan kaia dukiara, bara kingka nani ba, ai uplika nani sin man ra bri balbia.

Isikiel 39:1

“Bara man, upla luhpia, yang nini ra Gog mapara aisas bara wis: ‘Dawan ba naha wisa: Gog, Mésec bara Tubal tâ brabrira, yang lika man waihlam takisni.

Isikiel 39:5

Aitniki takaskma plis langni ra. Yang, Dawan ba, aisari. Yang bîli yabri.

Joel 3:19

Idsip slingban ba baku ban kabia, Edom sin twi saura tasbaya upla bâra iwras ba baha ban kabia, witin nani mita sika Juda uplika nani ba pâtkas kan, mapara aiklabi tala laiki ikan bamna.

Sofonías 1:8

Dawan aisisa: “Baha sakripais daukaia yua ra, wihta nani ba, king luhpia waitna nani bara upla wala nani sut iwanka natka wala dauki nani ba, yang klala yabamni.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 18:9

Tasba kingka nani witin wal tâski lâka daukan ba, ai yuyaka sin tanis tiki kan ba, baha tawanka ba pura mata ini yahwi kabia, witin ami ba kiasmika kaikbia ba ra.