Aiseya 24:20 - DAWAN BÎLA AISKA

²⁰ Tasba ba upla bla kum parwi baku nikban kabia, mani watla lupia baku yahbi kabia. Saurka wirhika mita kau wirha taibi kabia bara kauhbia, baha kli sip bubia apia.

Aiseya 24:20 ပူးပေါင်းရင်းမြစ်များ

Blasi Sturka 41:31

Plun tiwan ba uba tara pali kabia, baha mita witin nani plun ailal pali sakata ba dukiara, ai kupia ra wiria sin mangki lukbia apia.

Job 12:25

witin nani ba saura yabalka tihmu ra swin sa, aimawahki taukisa, upla kum laya tahpla din bla ba baku.

Lawana Nani 107:27

Witin nani bla tatakra baku pirwi watauki kan, ¡witin nani mapara hilp kumi sin âpu! ¡Ai lukanka nani sut tikan!

Lawana Nani 38:4

Watawika lâka nani ba mita puri luisa karban wirha tara baku, yang twilkaia sip apia sna.

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 1:8

Saion ba yakan swin bâra buisa, wain nasla tara bilara, mani watla lupia kumi yakan bâra ba baku, dista briaia watla lupia rayapisa nasla ra yakan bâra ba baku sa, tawan tara yakan bara waihla nani tnaya kir kutban sa.

Aiseya 19:14

Dawan mita spiritka ba aihka munan, kupia turbanka baman takan tanis tiwaia daukan witin nani ai tila kat, bara witin nani Idsip ba aimawahkan, kunin munan yabalka bâk brih auya, bla kum aikabi, pirwi ba baku.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Aiseya 29:9

¡Man nani lamla karna bas, diara walras! ¡Man nani blain ban bas, diara kumi sin kaikras! ¡Wain di bla takram ba baku pirwi bas, ban kra wain piawi takan ba diras kama sin!

Aiseya 38:12

Yang iwaiki watla ba kitbi sakan, bara yang wina tnaya ra lakan, sepad tintka watla buki ba baku. Kwala papaskra, kwala klaki ba baku, rayaki ba klakri. Kakna ra bara tihmia ra aikram pât wahwisna.

Aiseya 43:27

Man aisikam nani tâura saura daukan, smasmalkrikam nani sin wark saura maipara daukan.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Jirimaya 25:27

Baha ningkara Dawan kli ai win: “Witin nani ra wis yang, Dawan karnika sut brisna, Israel Gâdka ba, adar yabisna dih bla takbia ba kat bâra aikabia bara tasba ra kauhbia bara baha wina kli bubia apia, war man nani ra blikamna ba tâka mita baku takbia.

Jirimaya 4:24

Bara kli tawi il nani ra kaikri, bara baha nani sin tatatwi kan; il sirpi nani ba sin nikwi kan.

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Jirimaya 8:4

“Jirimaya, man naha bîla nani mai wisna na upla nani ra wis yang aisisna: ‘Upla ba kauhi ba ra, kli buisa; ai yabalka tikan ba ra, kli ai ninara tawi sakisa.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Daniel 11:19

Baha pali wina, king bui baha kan kahbaika pliska nani sut ba sakan kabia, sakuna ai rayaka ra pât kum alkbia ba bui ai mina prukan kabia, bara witin dukiara kli sin diara walbia apia.

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

Nahum 1:5

Il tara ba, Dawan mawanra tatatwisa; il sirpi nani ai kainara ba sin mahka slilwisa. Witin ra kaikuya ba ra tasba aiska ba tatatwisa, tasba aiska bara bilara diara nani bâra ba sin.

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.