Aiseya 24:10 - DAWAN BÎLA AISKA

¹⁰ Bahki lâka ba mita tawan ba krikan sa, utla nani sut ba witin nani mita prakan, upla kum sin dimaia apia dukiara.

Aiseya 24:10 ပူးပေါင်းရင်းမြစ်များ

Blasi Sturka 11:9

Baha tasbaya ra upla nani sut iwi kan ba, bîla aisinka nani ba tanis turban Dawan mita bara tasba aiska ra turwi taki wan. Baha tâka ba mita, tawanka nina ba Babel mâkan.

2 King Nani 25:4

Bara kutbanka ba ra unta kumi klauhbi war aiklaklabra nani ba sut taki plapan. Yabal dimaika kutbanka wâl bâk witin nani taki plapan tihmia ra, naha ba king watla latka lama kat kan. Caldea uplika nani ba lika tawan ba ban kutbi bri kan, bara aiklaklabra nani ba Jordan ilka bîla tani ra impakan.

Aiseya 23:1

Tiro mapara dahra aisin: Tarsis dwarka tara nani ai mamna lulkisa, duri tara praki wilkaika nani ba sut sauhkan bamna. Chipre wina duri tara nani bal dimi bahara wilki kata âpu daukan.

Aiseya 24:12

Tawan tara ba bîla man swin, sauhki tikanka ba wal getka ba batakan.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Aiseya 26:5

Witin daukisa tara puli nani ba kauhaia, tawan tara praut puli ba tasba kat bataki yan bawisa,

Aiseya 27:10

Tawan tara karnakira nani ba bîla man swin kabia, utla kum upla dimras watla ba baku, upla âpu baku bîla man kabia. Bîp lupia nani ba bahara twi pi kabia, bahara bawi wakabi kabia, tnawa nani ba sin sut kriki âpu daukbia.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Aiseya 32:19

âu, unta tara pâwan nani ba sut klakbia, tawan ba sin sauhkan kabia sakuna,

Aiseya 34:11

Kaku, sikiski taya kiaikira nani ba, witin ai dawanka takbia, iskri bara kuskuspiram nani witin ra iwbia, bîla man swin kabia kuntrika tasbaya ba.

Jirimaya 39:4

Bara king Sedequías, suldiar nani ba sin kaikan dîa dîa taki ba, witin nani tawan ba wina taki plapan. Tihmia ra king giadinka yabalka bâk taki, tawan kutbanka wâl ba lila ra get bâk lui wan, bara Jordan ra waia il bîla yabalka ba ra aimakan.

Jirimaya 39:8

Bara Caldea uplika nani ba mita king watla ba angkan, tawan ra utla nani ba sin, Jerusalem kutbanka ba sin slingban.

Jirimaya 52:7

Caldea uplika nani tawan ba kutbi bri kan, sakuna witin nani tawan kutbanka walpaya bâk unta kum daukan, bara king, suldiar nani ba aikuki tihmia ra bahak taki wan. Bara king giadinka yabalka bâk wan tawan kutbanka wâl ba lilak get bâk lui, Jordan ra waia ilka bîla yabalka ba ra aimakan.

Miqueas 2:13

Gâd bui witin nani ai yabalka ba param sâkbia, witin nani bui nina blîkbia, bara tawan dimaika bâk taki wabia. Dawan, ai kingka ba, witin nani tâura aimaki impakbia.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Luk 19:43

Bamna piua saura nani man ra balbia, bara man waihlam nani mita tnamya kir kutbanka daukbia; witin nani sin tnamya bani wina bal taki mai alkbia,

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.