Aiseya 23:13 - DAWAN BÎLA AISKA

¹³ Naha tasbaya na man nani kaiks, Caldea uplika nani mita tasbaya na ra tawer nani paski Sidón ra utla tara nani ba batakan, slingbi swin, but nani ra mangki brih waia baman. Witin nani ba pâtkira sa, Asiria uplika nani ba pâtkas.

Aiseya 23:13 ပူးပေါင်းရင်းမြစ်များ

Blasi Sturka 11:28

Harán Ur ra Caldea nani tasbaya ra aisubi takan. Witin sin bahara pruan, ai aisika Térah kau raya kan ba ra.

Blasi Sturka 11:31

Bara Térah ai luhpia Ebram ba brin, ai mula Lot sin, Harán luhpia ba, ai luhpia Ebram maya Sarai, ai mula yapti ba sin. Baha nani aikuki Ur Caldea nani tasbaya wina takan, Kenan tasbaya ra waia dukiara. Ban sakuna, Harán tawanka kat wan taim, bahara witin nani takaskan.

Blasi Sturka 11:9

Baha tasbaya ra upla nani sut iwi kan ba, bîla aisinka nani ba tanis turban Dawan mita bara tasba aiska ra turwi taki wan. Baha tâka ba mita, tawanka nina ba Babel mâkan.

Blasi Sturka 2:14

Bara awalka yumhpika ba nina Tigris, baha sika Asiria lalmika tani ra auya ba. Bara awalka walhwalka ba nina lika Éufrates.

2 King Nani 17:24

Bara Asiria kingka ba Babilon wina upla nani brih balan, baku sin Cuta, Avá, Hamat bara Sefarvaim wina, bara naha uplika nani aiska ba Sameria ra swin, Israel luhpia nani watlika ra. Baku witin nani Sameria ba brin bara ai tawanka nani ra iwi banhwan.

2 King Nani 20:12

Baha yua nani ra king Merodac-baladán, Babilon kingka Baladán luhpia ba, witin maisa papakra nani sakan bara blikan wan wauhkataya ulbi bara diara prisantka sin, kan walan Ezequías ba siknis pruaia man sa win bamna, baha kaikaia dukiara.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

Job 1:17

Waitna ba kau ban baha dahra aisi danh takras kan, waitna wala yumhpika ba bal diman bara naku win: —Caldea uplika nani daknika yumhpa wan mapara taki aiklaban bara kiamil nani kata ba sut implikan, baku sin skiru ni baman waitna nani kan ba sut ikan. Yang baman baha tila wina swak taki aulna, sturka ba maisam pakaia.

Lawana Nani 72:9

¡Waihlam nani upla iwras tasbaya ra iwi ba, witin ai mawanra bal bawbia!

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 10:7

Sakuna Asiria kingka ai lukanka ra baku lukras kabia kra, baku daukaia ai kupia ra luki paskras kabia sin, sakuna ai lukanka ra dimbia, nisan nani manis ba klaki âpu daukaia.

Aiseya 13:19

Bara Babilon, king tasbaya nani pranakira ba, Caldea uplika nani tasbaya tara skahkanka pranakira ba, Sodoma bara Gomora baku takma yang mita sauhki tikatna piua ra.

Aiseya 13:21

Bara bahara daiwan wail nani baman bal takaski kabia, watla nani ba iskri nani baman dimi kabia; tnawira pâlras tara nani il biara ra ba, bal dimi kabia guts wail nani sin bâra pâli puli kabia.

Aiseya 18:6

Bara baha sut ba unta ra lulki swin kabia, tnawira nani pata kabia, bara daiwan wail nani ba pata swibia; tnawira nani ba, lapta piua ra ai pata piaia awarka bahara bribia, daiwan wail nani bâra ba, kauhla piua ra ai pata piaia awarka bahara bribia.”

Aiseya 43:14

Dawan, Israel Gâdka Holikira ba, witin mita pri sakan ba, aisisa: “Upla nani Babilon ra blikamna, man nani swaki mai sakaia tâwan bara yang daukamna get nani ba sut param sakaia, Caldea uplika nani liliaka ba sari ra tawaia.

Isikiel 23:23

Babilon bara Caldea uplika nani, Pecod wina, Soa bara Coa wina, Asiria uplika sut; witin nani ba wahma painkira, tâ brabrira, tawan lalka, suldiar lalka bara aiklaklabra nani; witin nani sut aras ra uli nani ba sin,

Isikiel 29:18

“Babilon kingka Nabucodonosor, ai suldiar nani ba Tiro mapara blikan; bamna upla nani lal ba sut ba takbi pahpaya kat swin; sakuna witin bara ai suldiar nani sut sin witin nani Tiro mapara aiklabanka wina yamnika kumi sin sakras kata, Tiro mapara aiklabanka ba wina.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.

Apastil Nani Sturka 7:4

Bara Ebraham Caldea tasbaya swi si, Harán ra wih iwan. Bahara witin ai aisika ba pruan, ningkara Gâd mita Ebraham naha tasbaya ra brih balan, naiwa man nani nâra iwi banhwisma ba.