Aiseya 22:6 - DAWAN BÎLA AISKA

⁶ Elam trisbaya pat ridi brisa, wagin araska nani, aras âiulra nani ba sin, bara Quir uplika nani ba ai kaina kahbi aiklabaia dukia ba brin.

Aiseya 22:6 ပူးပေါင်းရင်းမြစ်များ

Blasi Sturka 10:22

Sem luhpia nani ba: Elam, Asur, Arfaxad, Lud bara Aram.

2 King Nani 16:9

Baku Asiria kingka ra tâ baikan, bara Asiria kingka ba balan bara Damaskus ba dakbi brin, baha ningkara bahara iwi nani kan uplika nani ba sut Quir ra alba lâka ra brih wan, bara Resín ba sin ikan.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 15:1

Moab, mapara dahra aisin ba: baha tihmia ra Ar ra sauhki kan ba ra, Moab tasbaya sin sauhki tikan sa. Tihmia ra Quir ba sauhki tikan bara Moab tasbaya sin sauhki tikan sa.

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Aiseya 22:7

Ilkam bîla pranakira ba wagin nani pali man banhwan sa bara aras ra uplika nani ba aiklabisa tawan karna ba ra.

Emus 1:5

Damaskus tawanka getka nani ba, yang karniki wal bukutbamna, bara Bicat-avén ra king aimaki ba sauhki tikamna, Bet-edén ra wihta tara aimaki ba ra sin sauhkamna, bara Siria uplika nani ba alki, Quir tawanka ra brih wan kabia silak ra mangkaia.” Dawan naku aisisa.

Emus 9:7

Dawan bui Israel luhpia nani ra aisisa: “Etiopía uplika nani ba, man nani wal, yang maipara upla sâtka kumi banhwisma. Israel luhpia nani, Idsip tasbaya ba wina yang saki bri balri ba baku, filisteo uplika nani sin, Creta wina yang saki bri balri, baku sin Siria uplika nani ba, Quir wina yang saki bri balri.”