Aiseya 22:23 - DAWAN BÎLA AISKA

²³ Witin ba king iwaika kum kulkanka bri ba baku kabia ai aisa watla bilara. Yang daukamni witin bahara bapi bûi kaia kitwaia apia, silak kum saban ba baku.

Aiseya 22:23 ပူးပေါင်းရင်းမြစ်များ

Esdras 9:8

Ban sakuna, nanara, Dawan wan Gâdka, kupiam swapnika lâka ra wan brisma, sip kan yang nani tili wina upla dakni kum pri takaia bara yawan nani ra sans wankan, tasba holikira ra wan watla nani mâkaia alba lâka ba wina piua wiria, yang nani ris briaia aikram.

Ester 10:3

Bara Ju waitna Mardoqueo ba, king ba wina ningkika ba, witin ba tâ bri kan diara sut. Witin ba Ju nani tilara upla tara kulkan kan, ai tawanka uplika nani mita latwanka bara ai uplika nani yamnika dukiara diara manis daukan bamna, bara sin ai kiamka nani yamnika dukiara trabil takan.

Ester 4:14

Bara man naha yua ra diara aisaras bîlam praki sâp kama kaka, Ju nani prika lâka ba tani wala wina balbia, sakuna man bara papikam watla uplika nani sut ba lika prui âpu tiwi banhma. ¡Ya pan nu sa, man naha awarka na baha dukiara kwin lâka ra waram sapa!”

Job 36:7

Piua bani upla wapni nani ba kan kahbisa, king nani ai iwaika ra iwi nani ra tâ baikisa, baha nani ba purara bukisa.

Smasmalkra 12:11

Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Aiseya 22:24

Ai aisa watla prana, yamnika kulkanka lâka sut ba witin ra skahkbia, luhpia nani bara mulika nani sin, glas sirpi nani sut, ban kâp nani sut, diara mangkaika lupia nani ba sut.

Aiseya 22:25

‘Baha yua ra, silak diara karna ra saban ba, sakan kabia; baha wina kriwi bâra kauhan kabia; bara wirhika nani ai purara kahban ba sut lap tiwan kabia.’ ” Karnika sut bri Dawanka, witin aisisa.

Sakaraya 10:4

Witin nani ai tila wina, Utla Mâkaia Walpaya Tara ba bal takbia, Tint Watla Mâkaia Dusa ba bara War aiklabaia Pantamangkaika ba sin. Witin nani ai tila wina wihta tara nani sut bal takbia.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

1 Samuil 2:8

Gâd ba umpira nani ra alki tasba wina bukisa, makakabra umpira nani ba dipasta wina sin, witin nani ra yabisa, wihta tara nani wal iwaia, upla tara kulkan nani ba tilara iwaika ra yan iwisa. Kan Dawan ba sika tasba playka nani bapan ba dawanka, bara baha nani purara sika tasba na mangkan sa.