Aiseya 21:3 - DAWAN BÎLA AISKA

³ Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Aiseya 21:3 ပူးပေါင်းရင်းမြစ်များ

Lawana Nani 48:6

Sirang ba mita, witin nani ai dawanka takan; bara mairin kwihra, tukta briaia latwanka baku takan;

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Aiseya 15:5

Yang kupi ba Moab pura mata hilp makabia; ai tawanka wina plapi ban, Sóar kat wabia, ban sin Eglat-selisiya kat. Luhit ilka tnaya witnika bâk ini uli wabia; sauhki tikan lâka ba dukiara, karna ini Horonaim yabalka bâk impaki wabia.

Aiseya 16:11

Baha mita yang kupi ba arp baku tatatwi kabia, Moab ra luki ini kabia, yang kupi ba Quir-haréset ra sin luki kabia.

Aiseya 16:9

Baha mita inisna Sebná wainka nasla nani ra luki, Jazer ra sin luki, Hesbón, Elalé dukiara naikra laya laikisna, mâ tilwan nani dâkaia bri kata ba purara war aiklaban bamna.

Aiseya 26:17

Dawan, yang nani mamwanra mairin kwihra baku, ai luhpia baikaia piua ba baila taki bara ai mamna lulkisa, inisa ai wîna latwanka nani tilara, yang nani baha baku sna, Dawan, man mawanra.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 49:22

Waihla ba Bosrá mapara yakal tara ai tnawa ilingki aula ba baku balbia, baha yua Edom aiklaklabra nani ba mairin luhpa baikaia tatatwi ba baku tatatwi kabia.”

Jirimaya 50:43

Babilon kingka ba baha sturka walan ba ra, sibrin mita wîna aiska srimisa, sari bri sibrin daukisa mairin luhpa baikaia latwan bri ba baku sa.

Jirimaya 6:24

Jerusalem ra upla nani ba aisisa: “Baha sturka ba yang nani walri, bara sibrin mita karniki âpu takan sa; yang nani kupi wirha bara latwan pali wahwisna, mairin kum luhpa baikaia ba baku.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

Kli Smalkanka 28:67

Sirang mai iki kabia ba tâka, bara diara nani kaiki kama ba mita sin, titan kaka wima: ‘¡Ay, nanara tihmia kaia si!’, bara tihmia kaka wima: ‘¡Ay, nanara titan kaia si!’

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.