Aiseya 2:21 - DAWAN BÎLA AISKA

²¹ Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.

Aiseya 2:21 ပူးပေါင်းရင်းမြစ်များ

2 Samuil 22:46

upla tringsar nani ba sibrin taki ai yukuwaika wina tatatwi bal takisa.

Job 30:6

Walpa unta nani ra dimaia kan, albangka nani ra bara walpa nani tilara.

Job 9:6

Witin tasba nikban nani blikisa, tasba ai playka bapanka nani ba sin munan nikwisa.

Impakan Sturka 33:22

Yang praina ba bal lui wabia ba ra, yang mita man ba walpa untika kum ra mai mangkamna. Bara yang mihti ni puram prakamna, baha sut lui wabia ba kat.

Yamni Kulki Lawana 2:14

“Butkuki mairin, walpa unta nani ra yukuwisma ba, unta twakni, bara dihwi nani yukuwaika ra, aikrika mamwan ba kaikamni, aikrika bîlam baikra walamni. Kan man mamwan kaikaia ba, yamni pali sa bamna, ¡bîlam baikra walaia sin damni pali sa!”

Aiseya 2:10

Upla nani ba, walpa nani tilara dimbia, tasba untika nani ra sin; sibrinkira Dawan mawan wina yukuwi kabia, mawan ingnika ba wina sin.

Aiseya 2:19

Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Aiseya 24:18

Upla âikra wina swak takbia ba unta kum ra kauhbia, unta wina bal takbia ba mina alkaika ba ra alki priskan kabia. Pura wina windar nani ba kwâkan kabia, lisamra tara bal tasba ba nikban kabia.

Aiseya 33:10

Dawan ba aisisa: “Nanara yang buamni; nanara tâinka marikamni yang kulkanka tara brisma ba.

Aiseya 7:19

Bara baha nani balbia, witin nani sut, twi saura tasbaya, il bîla nani ra takaskbia, walpa untika nani ra dimbia, kiaya dusa nani tilara daiwan lî diaika pliska nani ra sin.

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Oseas 10:8

Idan nani ai pura sunaia watla nani mâkan ba, sauhki tikbia, bahara Israel luhpia nani saura dauki kan ba. Altarka nani ba purara kiaya kiwka, kiaya dusa nani pâwbia, bara upla nani ba il tara nani ra wibia: “¡Yang nani puri biks!”, il purara pali nani ba ra wibia: “¡Man nani, yang nani purira bal kauhs!”