Aiseya 2:11 - DAWAN BÎLA AISKA

¹¹ Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:11 ပူးပေါင်းရင်းမြစ်များ

2 Samuil 22:28

Bawikira nani ba man swaki sakisma, prautkira nani ba swira paskisma.

Lawana Nani 18:27

Upla bawikira nani ba man swaki sakisma, sakuna pura lui ai mayunra nani ba, man mâyara batakisma.

Lawana Nani 18:28

Dawan, man, ingni aikisma; Gâdki, man, tihmia tara ba, man bui ingni daukisma.

Lawana Nani 20:8

Baha nani lula ba witin bui takalbia ba ra, witin nani kauhbia, sakuna yang nani lika bapi bûi kamna.

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 94:2

Man ba tasba aiska lâ wihtka sma, ¡pura luan dauki nani ba mapara bus bara ai mana ba yas!

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Sins Lâka 30:13

Upla tila sin bâra sa, bukisa witin ba uba tara pali sa, bara upla wala ba ai nakra ra bahki kaikisa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 12:4

Bara man nani baha yua ra aisama: Dawan ra aiwans, ai nina ra puram suns, upla nani tilara ai warkka daukan dahra ba tara dauks, âmya ra bri bas witin ai nina ba diara sut tilara purara pali bukan sa.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 14:15

Ban sakuna, kasakka pali ba prura tasbaya kat iwram, albangka tihu pali kat ni waram,

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 23:9

Karnika sut bri Dawanka ba lâ daukan, prana nani, kulkanka tara, praut lâka bri ba swira daukaia dukiara, tasba ra sinskira tara kulkan nani sut ba batakaia.

Aiseya 24:21

Baha yua ra ban takbia, aiklaklabra daknika kasbrika purara bâra ba, tasba kingka nani tasba ba sut Dawan mita klala yabia.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 28:5

Baha yua ra karnika sut bri Dawanka ba, ai uplika kau tâka swin ba kraunka pranakira aimakbia, yamni kulkan kraunka pranakira ba baku kabia;

Aiseya 29:18

Baha piua ra kiama prawan nani ba baha wauhkataya bîla aisi kaiki ba walbia, blain nani sin kaikaia sip sa, pukni bara tihmu ba wina.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 30:23

Bara Dawan lî maikbia mâ nani bikram ba purara, tasba ra, mâ nani insla ra mangkram nani ba, tasba wina plun maikbia, manis pali ban pura lui kabia; bîpkam nani ba baha piua ra, twi ailal pali tilara twi pi kabia.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 4:1

Baha yua ra waitna nani ba maura pali kabia, bamna mairin 7 waitna kumi tâwan unsabi kabia, witin nani waitna ra wibia: “Yang nani pati pliki pimna, yang nani sin silp kwala pliki dimamna, sakuna baman man aisas yang nani, man mayam nani, swiri lâka wina yang nani ai sâks.”

Aiseya 40:23

Karnakira nani ba witin mita diara âpu lakisa, tasba ra wihta aimaki nani ba diara bahki daukisa.

Aiseya 52:6

Sakuna yua ba balbia bara upliki nani ba kaikbia bara tânka bribia, yang aisari ba, yang sika Dawan.”

Jirimaya 12:9

Yang upliki nani ba tnawira taya painkira kum baku sa, tnawira wala nani ba bal alkaia want sa. ¡Daiwan wail nani, man nani bal; aidrubi bal pata tara daukaia!

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Isikiel 38:14

“Baku bamna, aitani sa, yang nini bri Gog ra aisas, bara wis: ‘Dawan naku aisisa: Upliki Israel ba laman lâka ra sâp iwi kabia ba ra, man yabal ra takma,

Isikiel 38:19

Kupi sauhkanka tara pali tilara swer takisni, baha piua ra, Israel ra tasba nikban tara pali bâra kabia.

Isikiel 39:11

“Baha piua ra Gog ra plis kum yabamna Israel ra, Impapakra Ilka Bîla ra, kabu lamara, bahara upla bikbia dukiara. Baha pliska bâk luaia apia lâka daukbia, bara bahara Gog bara war aiklaklabrika nani sut ba bikbia, bara nina mâkbia Gog war aiklaklabrika nani ilka langnika.

Isikiel 39:22

Baha yua wina ai tâura, Israel wina nani ba ai tânka bribia, yang sika ai Dawan Gâdka sna ba.

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Oseas 2:16

Baha yua ra ‘Yang Baalki’ ai wiaia watlika ra, man ‘Yang mayi ai wima.’ Yang Dawan, baha kasak aisisna.

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Oseas 2:21

Yang Dawan, baha kasak aisisna: Baha yua ra, yang kasbrika purara ba ra aisamna, bara kasbrika pura ba mita tasba ra aisabia;

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Abdías 1:8

Dawan ba kasak aisisa: “Yang Edom ra klala yabamna yua ra, Isau ilka nani ra upla sinskira nani bâra ba, sinska lâka ba sauhki âpu daukamna.

Miqueas 2:3

Baha mita Dawan aisisa: “Yang sin man nani mampara diara kum daukaia sna, mai sauhki mai tikaia pâtka blikamna, bara man nani baha pâtka wina sip swak takma apia. Man nani pât ra kama, mamyuni lilia wapi tauki kama apia, piua ba man nani mampara saura pali kabia bamna.

Miqueas 4:6

Naha sika Dawan bui kasak aisi ba: “Baha piua ra sîpki nani asla daukamna, baha nani klala yabri ba; swapan, mina kriwan nani bara yakabrira nani ba. Witin nani, ya wal takaskuya nani ba, nisan karnakira daukamna. Yang, Dawan, tawanki ba tâ brimni Saion ilka wina, nanara bara ban kaia ra.

Miqueas 5:10

Naha na Dawan kasak wisa: “Baha yua ra, yang mita araskam nani ba sut ikamna, aiklabaikam waginka nani ba sin sauhki tikamna.

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Sofonías 3:16

Baha piua ra Jerusalem uplika nani ra wibia: “¡Saion uplika nani, si bripara, wark taki bas!”

Sakaraya 9:16

Baha yua ra, Dawan ai Gâdka ba mita ai uplika nani ba swaki sâkbia sîp daknika kum baku, bara witin ai uplika nani ba ai kuntrika pali ra king kraunka walpaya pranakira nani baku ingwi kabia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

2 Korint 10:17

Upla kumi aimayunan daukisa kaka, witin Dawan dukiara lika aimayunaia sa.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”