Aiseya 19:3 - DAWAN BÎLA AISKA

³ Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Aiseya 19:3 ပူးပေါင်းရင်းမြစ်များ

2 Samuil 15:31

Upla nani wina kumika Debit ra win, Ahitófel ba sin kumika Absalón wal prawi ai mapara buisa. Debit bui Dawan ra ai pura sunan, Ahitófel daukaia luki ba sut yaka bahki ra tawbia.

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

Lawana Nani 107:27

Witin nani bla tatakra baku pirwi watauki kan, ¡witin nani mapara hilp kumi sin âpu! ¡Ai lukanka nani sut tikan!

Lawana Nani 33:10

Dawan ra lukras uplika diara daukaia luki ai lâka nani dauki ba, witin mita baha lâka nani ba sut pali batakisa,

Lawana Nani 76:12

Witin bui sika tasba wihtka nani rayaka saki ba, baku mika tasba aiska kingka nani ra sibrin yabisa.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Aiseya 15:2

Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Aiseya 47:12

Nanara ban bâra kupiam yabaki bas, sukika lâka ailal pali ba sin ban dauki bas, baha nani tilara, man lan takram ba wahma kapram ba yua wina; ban kra baha nani tâm baikbia, waihlam nani ra sirang ikbia.

Aiseya 57:16

Upliki nani wal yang ban blahwi dahra aisi kamna apia, piu sut sin kupi baiki ban kamna apia; kan yang maiwanra spiritka nani sut ba dringwaia daukamna, bara lukanka sut swapni takbia.

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Jirimaya 46:15

Bîpkam wainhka Apis, gâdkam, ¿dîa muni plapan? ¿Dîa muni bâra ban bûi kapras kan? ¡Yang, Dawan, bal pruki batakri!

Isikiel 21:7

Bara ban kra mamkabi walbia kaka, dîa muni inisma, wis diara pat pali takaia ba dukiara, bara upla nani sut ba kupia ba kriwan kabia, bara klahkla ba swika kauhbia; bara upla kumi sin karnika âpu kabia, sut ba sibrin mita lula nani ba tatatwi kabia. Pat piua aula, pat pali takbia. Yang Dawan, baha kasak aisisna.”

Isikiel 22:14

Lukpara man sip kama yang maipara buaia, mampara wapnikam daukaia buamna ba ra; yang Dawan, baku wisni bamna daukamna:

Daniel 1:20

Sins lâka nani sut bara diara tânka kaikaia lâka sut, king dukiara witin nani ra makabi walan, bara kaikan witin nani aima matawalsip prais kau sinskira kan ai kingka tasbaya ra âiulbra nani bara smaya kakaira nani sut ba wal.

Daniel 2:2

Bara witin bui âiulbra nani, smaya kakaira nani, sukia nani, sinskira nani sin paiwan, baha yaprisauhkanka tânka witin ra wibia dukiara. Witin nani wan king mawanra bûi banhwan,

Daniel 5:7

Ningkara ai bîla baikra tara winan, diara kakaira nani, sins lâka kakaira nani, bara slilma tânka plaplikra nani Babilon ra banhwi ba sut paiwaia, bara witin nani ra win: —Bahara ulban ba ya aisi kaiki bara tânka saki ai wibia ba, kwalka balianta ba yaka dimbia, ai nana ra gul ni paskan sînka kum bri kabia bara yang, king aimakisna ba iwaika ra, karnika yumhpika ba witin alki kabia.

1 Samuil 25:37

Yu wala titan Nabal bla âpu pain takan kan ba ra, diara takan ba tânka sut param Abigail bui Nabal ra win. Nabal baha walan ba wal, ai wîna aiska ba sriman.