Aiseya 19:20 - DAWAN BÎLA AISKA

²⁰ Baha ba sain kum, witnis sin kabia karnika sut bri Dawanka ra Idsip tasbaya ra. Witin nani Dawan hilp makabi winbia, witin nani ra rausasauhkra nani ba mapara, bara witin, baha nani ra swaki sasakra blîkbia, kan suni pri sâkbia dukiara.

Aiseya 19:20 ပူးပေါင်းရင်းမြစ်များ

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Impakan Sturka 2:23

Mani nani lui ba tilara Idsip kingka ba pruan. Sakuna Israel luhpia nani lika ban alba lâka munhtara pât saura wahwi kan. Witin nani ini ai mâmna lulki makabi kan ba Gâd walan.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Aiseya 19:4

Sakuna yang mita, Idsip ra dawan kum karnika mina munhtara mangkamni, taibi mamunra kingka witin nani dawanka aimakbia.” Karnika sut bri ba Dawanka baku aisisa.

Aiseya 20:4

Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 43:11

Yang, yang baman Dawan sna, yang wina wala âpu sa swaki mai saki ba.”

Aiseya 43:3

Kan yang sika man Dawankam, man sasakrikam sna, Israel ra Gâd Holikira ba, yang duki mai briri; man puram manka baku Idsip ra, Etiopía ra bara Sebá sin aibapri.

Aiseya 45:15

Ban sakuna, man sika Gâd kum wan nakra ni kaikras, Gâd, Israel swaki sasakra.

Aiseya 52:5

Bara nanara, ¿yang nâra dîa kaikisna? Upliki nani na pâtkas pali alki Babilon ra brih wan. Ya uplika nani mita taibi bri ba, ai wîna tara puli lâka ni ai pura winisa bara piu bani ra yang maipara sa.

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Jasua 22:34

Ruben bara Gad kiamka nani ba altar kum paski muni nina mangkan “Witnis”, bara win: “Naha altar na witnis kum kabia wan tilara Dawan ba Gâd sa.”