Aiseya 17:13 - DAWAN BÎLA AISKA

¹³ Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 17:13 ပူးပေါင်းရင်းမြစ်များ

Job 21:18

¿Ahkia twi baku yakabrira daukata, pâsa ai karnika raski brih tauki ba baku?

Job 38:11

Bara wîri: “Naha kat balma, bara naha wina lika kau kainamra wama apia, naha kat ripkam prautkira nani ba âpu taki kabia.”

Lawana Nani 1:4

Upla watawi nani ba, baha baku apia sa; sakuna rais kapan taya nani pâsa mita yakabi ba baku sa.

Lawana Nani 35:5

witin nani ba dus taya yuya pâsa ra pâli ba baku kabia. ¡Dawan insalka bui witin nani ra baku munbia!

Lawana Nani 65:7

Man bui kabu binka tara ba lamni daukisma, bara uplikam nani yakabrira ba sin asla dauki lamni brisma.

Lawana Nani 65:8

Baha nani tasba laihura iwi nani ba sin man bui diara aihkakira daukram ba wali tatatwisa, man dukiamra upla nani ba, ai lilia mita ai pura winisa, lalma ba wina, laih muna tani ba kat.

Lawana Nani 9:5

Idan nani ba lawi daukram, upla watawi nani ba sauhki tikram, ¡witin nani lukra ba, diki sakram ban kaia ra kli lukbia apia!

Aiseya 14:25

Asiria ba sauhki tikamna yang tasbayi ra, yang ilki nani ra ba mini ra taibamni; upla ra wirhika kahban dusa ba sakamna, wirhika nani upla pahpaya ra ba sin sakan kabia.

Aiseya 21:15

Kan witin nani sord malika wina plapisa, sord napa mala daukan ba wina, pantamangka lulkaia aubi ba kaina wina, war aiklabi aula ba mawan wina sin.

Aiseya 22:18

Bâl lulkan karwi ba baku mai karbia, kuntri kau tara ra mai lulkbia. Man bahara pruma, war waginkam nani man pramna brisma ba sin bahara takaskbia; man Dawankam watla ba mawanra swira takma.

Aiseya 27:1

Baha yua ra Dawan mita klala karna yabia ai sordka tara, karnakira ba ni, Leviatán ra, piuta plaplapra ba, Leviatán piuta âuya mâira ba, bara dragun ba ikbia kabu ra bâra ba.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Aiseya 30:28

ai wingka puhbra ba, lî kârma lisamra tara dingki ba baku sa; wan nana kat wan rungki ba; witin aula nisan nani purara wirhika kahbaia, sauhki tikaia ra dukiara sin, un mangkaika un ra mangki yabal wala ra brih waia.

Aiseya 34:17

Bara witin baha nani kumi bani tasbaya yan, Dawan mita daiwan bani takaskaia pliska ba daukan, baha nani ai tasbaya ba ban kaia ra baku bri kabia, kiamka wina kiamka nani sut ra, witin nani bahara iwbia.

Aiseya 40:15

Witin ai mapara nisan nani ba lî mâ kum baku sa, tasba yuya lupia paun ra mangkan ba baku; kabu un ra iwi kuntrika nani mana ba auhya yuya kum baku kulkisa.

Aiseya 40:24

Witin nani ba tasba ra mangkras kan baku kabia, witin nani sin mâ nani ba mangkras kan baku, ai plamaika ba sin ai wakia nani ba tasba ra briras kan baku; pâsa kum witin nanik aihni krawi luan bara pat lâwisa, bara prari bal brih auya dus wahia lâwan kum baku.

Aiseya 41:11

Baha nani sut misbara mai kaiki ba, witin nani ai swira daukan kabia, mâyara batakan kabia; man mampara banhwi ba witin nani diara apia baku kabia.

Aiseya 8:7

Bara Dawan mita witin nani ba Éufrates awala lisamra tara dingkan karna aubi ba ra dingkbia (baha wibia kaka Asiria kingka ai karnika sut bri ba mihta ra). Witin nani tnaya bani ra lisamra ba mita pura lubia, ai lamara nani ba sut,

Daniel 2:35

Wan nakra klipan kum baku baha ayanka, slaubla ba, bras ba, silbar bara gul ba sut yamhpus baku takan, mani piua ra plawar taya pukbi baku, pâsa mita brih wan mina taibanka yawan sip kaikras ba baku daukan. Sakuna baha walpa ni lilka paskan ra prukan walpaya ba lika, il tara kum takan tasba aiska ra.

Oseas 13:3

Baha mita, witin nani titan mukuska baku kabia, lalma kahbi diwaska laya baku sin, titan pali pat lap tiwi ba, rais kapan taya pâsa brih pâli ba baku, kiasma kubus wina taki ba baku sin.

Sofonías 2:2

rais kapan taya baku puhbi saki kau lap mai tikras ba ra; Dawan lawanka lapta pali ba man nani puramra kau balras ba ra, Dawan lawanka yua man nani ra mai alkras ba ra.