Aiseya 16:4 - DAWAN BÎLA AISKA

⁴ Moab uplika nani ai tasbaya wina kangban ba swis man nani wal iwi kabia, witin nani yukuwaika aimaki bas, sauhki tatikra aula ba mawanra.” Saura mamunra ba ai warkka sut daukbia, bara sasauhkra ba yu kum luan kabia ba ra, upla ra ai mina ra tataibra ba sin tasbaya na wina mahka waia.

Aiseya 16:4 ပူးပေါင်းရင်းမြစ်များ

Aiseya 14:4

man nani naha sinska lâka nani aisi banhma, Babilon kingka lawaska kikaia dukiara: “¡Upla ra rausasauhkra kata ba kaiks ani kat bal takaskan ba! ¡Witin tara puli kata ba ani kat takaskan ba kaiks!

Aiseya 15:6

Nimrim layawanhta nani sut ba lâwan kabia, twi nani ba sin srawbia, inma wahia nani ba sut prubia, inma wahia kumi sin sangni kabia apia.

Aiseya 25:10

Dawan mita Saion ilka ba kaina kahbi kabia, sakuna Moab lika ai mina ra taiban kabia, dipasta lulkan wan mina ra taiban ba baku.

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Aiseya 54:14

Kasakka lâka, wapni lâka ni karna mai daukan kabia. Taiban lâka wina laihura kama; sibrin mai daukbia apia, si briras kama, kan sibrin mai dingki ba, lamamra âpu kabia.

Aiseya 58:7

Plun wahwi nani ba wal, patam ba wina yuaia, umpira nani aimawahki tauki nani ba wamtla ra bris, kwala luha nani ba kaikma bara dimaika yama, bara man muihkam nani pât ra ba hilpka daukaia.

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Jirimaya 40:11

Bara Ju wala nani Moab, Amón, Edom tawan wala nani ra bâra kan ba sin sturi ba walan, Babilon kingka ba aitani win, witin nani sin ai tasbaya ra takaskaia, bara Guedalías ba wihta tara mangkan, witin nani pura kaiki kaia.

Jirimaya 48:18

“Dibón tawanka tara, mai kulki iwaika ba wina mâyara bal iws, tasba lâwan pali ba ra iws, kan Moab sasauhkra mampara itwi aula, wamtla karna nani ba pat slingban sa.

Jirimaya 48:8

Tawan tara nani sut ba sauhki tikan kabia, kumi sin swak takbia apia; il bîla ba langnika nani ba sut sauhkan kabia. Yang, Dawan, kasak aisisna.

Abdías 1:14

Yabal bîla wâl kilwi ba kat bûi kaikaia apia kapram, baha nani swakwaia plapi aula nani ra ikaia daukram ba; baha ai pâtka tara yua ra ai waihla nani wina plapi kan ba waihla nani mihta ra mangkaia apia kapram.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Sakaraya 9:8

Upliki nani ba kan kahbaia dukiara, ya nahak bal lubia ba kainara yang bûi kaisna. Tataibra ba kli witin nani ra rausauhki kabia apia, kan nanara yang pali aihwaki kaikisna bamna.”

Malaquía 4:3

Baha piua ra yang ridi daukisna ba ra, man nani mita watawikira nani ba, tasba yuya baku minam ra taima.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Kli Smalkanka 24:14

“Umpira nani ra impliki, ai mana yabaia sin takaski bri kapara, tawankam uplika kabia, tringsar nani tasbayam ra nani ra sin apia.

Param Marikanka 11:2

Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.