Aiseya 14:1 - DAWAN BÎLA AISKA

¹ Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 14:1 ပူးပေါင်းရင်းမြစ်များ

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Lawana Nani 102:13

Man bus bara Saion ra umpira kaiks, piua ba aimakan sa; saurka swi tikaia yua ba pat aimakan sa.

Lawana Nani 102:14

Nampakan nani ai walpaya nani ra latwan kaikisa; ¡sauhki tikan ba dukiara sarka brisa!

Lawana Nani 143:12

Kan man kasakkira sma, ¡waihli nani ba sauhki tiks! ¡Waihli nani ba sut âpu dauks, kan yang na man nampakan sna bamna!

Lawana Nani 98:3

witin ai latwanka lâka bara ai kasakka lâka ba, piu bani bri kan Israel luhpia nani ra. ¡Gâd mita pura lui ba mariki kan tasba aiska ra paski takaskan ba kat kaikan sa!

Aiseya 19:18

Baha yua ra Hibru bîla ba Idsip tawanka tara matsip ra aisi kabia, bara witin nani Dawan ra swer taki aisi wibia; Dawan, karnika sut brisa. Tawanka tara kum nina ba Lapta Tawanka mâkan kabia.

Aiseya 21:1

Upla iwras tasbaya ba dahra aisinka: Prari nani baku waupasa wina aula, upla iwras tasbaya wina aula sirang iki pliska ba.

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 41:9

Tasba paski takaskri ba wina mai paiwri, plis kau laihura pali ba wina, bara man ra mai wîri: ‘Man ba yang warkki dadaukra ba.’ Bâk mai sakri bara mai lulki lika mai swiras.

Aiseya 44:1

“Israel, nanara, ai wals, Jekob uplika nani yang duki dadaukra, bâk sakri ba.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 47:1

“Bal iws, Babilon tiarika mairin, kau mayam âpu sma ba, bara tasba pukpuka ra iws; iwaikam wina iws, Caldea wina tiarika mairin, bara tasba ra iws, kan kli mai wibia apia man ba swap lupia painkira.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 49:13

¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.

Aiseya 49:15

¿Sakuna yapti kum ai luhpia ra ai âuya tikbia ki? Apia kaka, ¿ai luhpia pali ba latwan kaikbia apia ki? Kan ban kra witin ai âuya tikbia kra, yang lika man ra sip âiya mai tikamna apia.

Aiseya 49:25

Dawan kasak aisisa: “Âu, waitna karnakira dîa dakbi brin ba, kli mihta wina dakbia, upla tataibra diara brin ba, kli dakbi bribia. Man mampara unsabaia pliki nani ba mapara yang buamna; yang mita luhpia nani ba swaki sakamna.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 56:3

Bara tringsar kum Dawan ra yabaia ba wiaia apia sa: “Dawan mita yang ra laihura saki ai swin sa ai uplika nani wina.” Bara yunok ba sin wibia apia: “Kaiks yang na dus lâwan kum baku sna.”

Aiseya 60:10

Bara tringsar nani ba mita tawankam ba kutbia, bara ai kingka nani ba man nani dukiam daukbia; kan ban kra Dawan ba ai kupia baiwanka ra klala maikan, nanara ai kupia yamnika lâka ra man ra umpira mai kaikan.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Jirimaya 16:15

sakuna witin nani naku aisabia: ‘Dawan raya bamna, Israel luhpia nani ba yahbra tani kuntrika wina, kuntri wala nani ra yakabi swin ba wina sin saki bri balan.’ Yang daukamna man nani kli tasbayam ra balaia, damikam nani ra yabri ba tasbaya ra.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 30:8

Yang, Dawan ba, karnika sut brisna, kasak aisisna: Upliki nani alba lâka ni wilkan ba pri sakamna, witin nani kli tringsar nani albika takbia apia.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Jirimaya 50:33

Dawan karnika sut bri ba aisisa: “Israel luhpia nani ba bara Juda uplika nani ba sin, rausasauhkra nani mita saura muni pâtka ba wahwisa. Witin nani ba silak ra mangkan sa bara sakaia want apia sa.

Jirimaya 51:51

Man nani aisisma: “Yang nani ra saura ai wi ba walisna ba swiri ai daukisa. Yang maiwan na swiri ai daukan lâka ni bikan, kan upla kakaira apia nani ba tempel bîla kau sunu pliska ba ra diman.”

Isikiel 16:60

Kuna yang lika kupi kraukamna, man wal lâ daukri ba, tiara katma piua ra; bara lâ raya ban kaia daukamni man wal.

Isikiel 47:22

Naha sika man nani briaia sma ba, bara tringsar nani man nani tilamra iwi nani ba bara luhpa bri nani ba Israel ra aisuban baku kulkaia sa. Israel kiamka tilara baiki saki bribia ba ra, witin nani ra sin ai dukia yaban kabia.

Sakaraya 1:17

Baha purkara, insal sin ai win naha na latan aisamna: “Karnika sut bri ba Dawanka, naku wisa: ‘Yang tawanki nani kli yamni pali taki kabia; Saion ra kli maisa nihkaia sna, bara Jerusalem ba bâk saki brisna, tawan baku kli kulkaia.’ ”

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Luk 1:54

Ai napakanka Israel ba hilp munan; ai kupia swapni lâka sin ai âuya tikras kan,

Luk 2:32

Ingni kum nisan nani ra ingni yabi ba, bara man uplikam Israel luhpia nani ra mayunra lâka yaia.”