Aiseya 13:9 - DAWAN BÎLA AISKA

⁹ Kaiks Dawan yua ba pat aula, saura pali, lawanka tara, kupia baiwanka tara wal, saura dadaukra nani ba tasba wina kusbi sakaia, bara tasba na bîla man swiaia.

Aiseya 13:9 ပူးပေါင်းရင်းမြစ်များ

Lawana Nani 104:35

¡Upla saurakira nani, tasba wina âpu daukan kabia! ¡Watawi dadaukra nani âpu takbia! ¡Dawan ra yamni wis, yang sulki! ¡Dawan nina ba mayunan kabia!

Sins Lâka 2:22

Sakuna upla watawikira nani bara upla âiatkra nani ba, tasba wina daikan kabia bara kangbi sin sakan kabia.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 34:8

Baha Dawan mita pana munaia yua ba aimakbia, Saion tâwan aisaia manka alkan.

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Aiseya 66:17

Dawan aisin: “Baha nani dus mâ giadinka ra, aidul ra witin nani ra suni klin takisa, tila tâura auya was ai ninara, baha nani kwirku wîna pîsa, baha diara saura pali ba, matis wîna sin pi ba, tâski kulkan pata nani ba sut, aiska klaki sakan kabia.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Isikiel 13:5

Israel kaina kahbaia dukia diara kumi sin daukras, Dawan yua balbia bara witin nani aiklabi bapi bûi kaia dukia.

Isikiel 30:3

pat aula ba dukiara; ¡Dawan yua ba pat aula sa! ¡Yua dista dingkan kum kabia, yua saura pali kum nisan nani mapara!

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Joel 2:1

Saion ilka purara man nani trumpit ba puhbi bas; Dawan ilka holikira ba purara, man nani bin tara dauks, Juda ra iwi nani ba sut tatatwi kabia, kan Dawan yua aula ba, pat baila sa bamna:

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Nahum 1:8

Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Sofonías 1:15

Lawanka tara yua kum kabia, kupia wirha bara sari pali. Slingbi sauhkaia diara âpu kabia, tihmia tara pali aihwa baman kabia, kasbrika distika tihuka tara yua aimakbia.

Sakaraya 14:1

Dawan lâ daukaia yua ba pat aula, Jerusalem, dukiam nani mihtam dakbia ba, kli man nani tilamra yui maikan kabia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Param Marikanka 18:8

Baha tâwan, yu kumi bilara ai pâtka tara nani ba balbia: prura, sari, bara plun wahwan; witin ba pauta ni angkan kabia. Kan Dawan Gâd, witinka ra lâka dauki ba, karnakira sa.”