Aiseya 13:5 - DAWAN BÎLA AISKA

⁵ Kuntri kum laih pali ra bâra ba wina aula, baila wala tani ba wina sin. Dawan ai kupia baiwanka aiklabaika dukia nani ba wal, tasba aiska ba sauhki tikaia aula.

Aiseya 13:5 ပူးပေါင်းရင်းမြစ်များ

2 Samuil 1:27

¡Tahplu nani nahki kauhan ba! ¡Aiklabaia dukia nani ba sut sauhki tikan sa!”

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 13:17

Kaiks yang Media uplika nani ba tatukbamna witin nani mapara waia, witin nani silbar nani ba wina yus munbia apia; gul ra sin tawi kaikbia apia wahma bara tiara.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Aiseya 30:27

Man nani kaiks, Dawan ba laih wina param taki aula ba; ai kupia baiwanka ba, pauta klauhan lakni kiasmika siksika baku sa, ai un nani ba, ai kupia baiwanka pali man aisisa, bara ai twisa ba pauta klauhan baku sa, âpu wan tikaia,

Aiseya 34:2

Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Aiseya 48:14

Man nani sut asla aidrubi bal bara wals: ¿Ya man nani tilamra bâra sa naha diara nani takaia kan ba dukiara: baha uplika yang bâk saki briri ba daukbia dîa luki ba, baha witin ai kupia kat daukbia Babilon uplika nani wal bara Caldea uplika nani masraka purara sin bâra kabia?

Aiseya 5:26

Dawan ba plakin kum bukisa bara wasbi ni kuntri kum laihura ba ra winisa, kau tasba laihura wina upla ba yan balisa, aihni pali aula, istikira ni.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Aiseya 7:18

Baha piua ra Dawan ba mita kukas nani baku yaka balbia, baha nani Idsip awalka ra laihura iwi nani ba ra. Asiria tasbaya ra iwi nani ra lika nasma yula nani baku yaka balbia.

Jirimaya 50:25

Dawan bui witin war aiklabaia dukia nani bri kan durka ba sakan, ai kupia baiwan ra aiklabaia dukia ba sakan, kan Dawan, karnika sut bri ba, wark kum aiska daukaia brisa Caldea uplika nani nisanka ba wal.

Jirimaya 50:3

Yahbra wina nisan kum witin mapara kitwi aula bara kuntrika ba diara âpu bîla man daukbia. Upla nani, daiwan nani, diara kumi sin bahara takaski kabia apia, sakuna sut plapi laihura wabia.”

Jirimaya 50:9

Yang daukaisna upla karna dakni kum yahbra wina balaia baha nani sin baha piua ra bal Babilon wal aiklabia. Witin nani ai yabalka pain wapni dauki bal aiklabi pura lubia. Aiklaklabra âuya mâira nani, witin nani trisba kumi sin bahki ra lulkras.

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.