Aiseya 13:20 - DAWAN BÎLA AISKA

²⁰ Baha tasbaya ra upla kli iwaia pliska âpu kabia, upla kiamka kum wina wala kat sin bahara iwi takaskan kabia apia; Arabia uplika nani sin, kli bahara utla papakni mâkan kabia apia, Sepad nani sin ai sîpka nani ba ra wabia apia.

Aiseya 13:20 ပူးပေါင်းရင်းမြစ်များ

2 Kronikas 17:11

Ban sakuna, kau ni filisteo nani kum kum ba prisant nani blikan, silbar ai lal mana Josafat ra bara Arabia uplika nani lika 7,700 sîp, guts nani sin 7,700 brih wan.

Job 3:7

¡Aitani lukaina baha tihmika ba biarapara ni takan kata, bara lilia binka winaia apia kan!

Yamni Kulki Lawana 1:7

Laitwankira, man ai wis, ¿anira sîpkam nani ba dakakisma?, ¿anira witin nani ba ris yabisma yu wan lal kat ba ra? ¿Dîa muni yang tanis wapi baman tauki mairka baku kaia sna, man uplikam wala nani sîpka lamara?

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 21:1

Upla iwras tasbaya ba dahra aisinka: Prari nani baku waupasa wina aula, upla iwras tasbaya wina aula sirang iki pliska ba.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Aiseya 34:17

Bara witin baha nani kumi bani tasbaya yan, Dawan mita daiwan bani takaskaia pliska ba daukan, baha nani ai tasbaya ba ban kaia ra baku bri kabia, kiamka wina kiamka nani sut ra, witin nani bahara iwbia.

Jirimaya 49:33

Hasor ra kli upla iwbia apia, suksuk tara nani watla takbia. Upla kli bahara takaskbia apia, bahak sin wapi lui kabia apia.”

Jirimaya 50:13

Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Jirimaya 50:21

“¡Man nani Merataim uplika nani mapara aiklas bara Pecod uplika nani mapara sin! ¡Nina blîks, iki âpu dauks! ¡Dîa daukaia mai wisna ba kat sut dauks! Yang, Dawan, baku daukaia adar maikisna.”

Jirimaya 50:3

Yahbra wina nisan kum witin mapara kitwi aula bara kuntrika ba diara âpu bîla man daukbia. Upla nani, daiwan nani, diara kumi sin bahara takaski kabia apia, sakuna sut plapi laihura wabia.”

Jirimaya 50:39

“Baha mita Babilon ba limi kruhbu nani, suksuk tara nani watla takbia, sip pâlras tara nani bâra kabia. Ban mani handat nani lui kabia, bahara upla nani kli iwbia apia.

Jirimaya 50:45

Man nani wals, yang Dawan, Babilon mapara dîa daukaia ridi takri ba; dîa Caldea uplika nani mapara daukaia luki kaikri ba: Sîp kau sirpi nani ba sin brih wabia, twi langnika nani ba sin sauhkan kabia.

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Jirimaya 51:37

Bara utla slingwan almuk upla dimras baman bâra kabia, suksuk tara nani watla takbia, lasa nani upla nani sut ra sirang iki tasbaya, upla sip bâra iwras tasbaya takbia.

Jirimaya 51:43

Tawanka nani ba aihka saura takan, bîla man daukan, tasba ba lâwan diara bâra âpu, upla bâra iwras, upla bahak sin wapi luras.