Aiseya 13:14 - DAWAN BÎLA AISKA

¹⁴ “Upla nani ba snapuka lupia nina bliki ba baku sa apia kaka bara upla kumi sin âpu sa wal asla daukaia, daiwan daknika kum turwi takan kangbi asla daukaia upla kum âpu ba baku. Kumi bani ba ai kuntrika ra wabia, ai tawanka ra plapi wabia.

Aiseya 13:14 ပူးပေါင်းရင်းမြစ်များ

1 King Nani 22:17

Bara Micaías bila: “Yang bui Israel luhpia nani sut ra kaikri, yakaban kan il nani ra; sîp nani ai sîpkas baku. Bara Dawan bila: ‘Naha nani ai dawanka âpu; kumi bani kli wamtla nani ra was, kupiam kumi.’ ”

1 King Nani 22:36

Bara yu pat dimuya kan awarka ra, maisa papakra kum kiamp ba wina taki bal, naku wini aisin: “¡Upla kumi bani ai tawanka ra mahka wabia, ai tasbaya ra,

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 21:15

Kan witin nani sord malika wina plapisa, sord napa mala daukan ba wina, pantamangka lulkaia aubi ba kaina wina, war aiklabi aula ba mawan wina sin.

Aiseya 47:15

Bahara sukia nani brisma ba, witin nani naha baha kat takaskan baha nani wal rayakam ailal pali daukram ba. Witin nani kumi bani ai yabalka kat wan bara upla kumi sin âpu sa swaki mai sakaia.

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 50:16

Man nani upla kumi sin Babilon ra swipara, saumuk mangkaia, apia kra dâkaia sin. Aiklabi sasauhkra ba kaikbia ba ra tringsar nani ba sut ai tasbaya ra tawi wabia, kumi bani ai tasbaya ra waia taki plapbia.

Jirimaya 51:9

Yang nani Babilon ba pat sîka daukri, sakuna rawras. ¡Man nani swis! Kaisa yawan naha wina mahka wap kumi bani wan tasbaya ra, witin nani lâ sauhkan ba kasbrika pura kat ulan, kasbrika nani ba pura ba kat bukan.

Nahum 3:18

“¡Sepad nani yapi ba baku, alai Asiria kingka! War aiklaklabrikam wihtka tara nani ba yapisa, bara aiklaklabrikam daknika nani ba il tilara tanis man taukisa, bara upla âpu sa naha nani asla daukaia.

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.