Aiseya 11:8 - DAWAN BÎLA AISKA

⁸ Tuktan sirpi ba, piuta kau puisinkira ba untika purara puli kabia, sip kabia ai mihta ba, piuta untika ba ra dingkaia.

Aiseya 11:8 ပူးပေါင်းရင်းမြစ်များ

Job 5:23

Walpa nani yabal ra ba minam prukbia apia, daiwan prautkira nani ba sin pâmnika kabia.

Lawana Nani 140:3

Witin nani ai twisa ba mala sa piuta twisa baku; aisinka nani ba piuta puisinkira nani puisinka baku sa.

Sins Lâka 23:32

Sakuna tnata ra piuta baku wan samuya, ai napa sin piuta baku latwan pali wan samisa.

Aiseya 11:7

Bîp mairin wingku mairin wal ai pâna kabia, luhpia nani ba sin aikuki asla prawi kabia; layan ba, bîp wainhka baku twi pibia.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 14:29

Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.

Aiseya 59:5

Piuta kau puisinkira mahbra ba brih, bawi luhpa baikisma, bara anansi kiwka nani mamisma; ya baha mahbra wina pi ba pruisa bara upla baha mahbra nani ai mina ra taibia kaka, piuta puisinkira nani takbia.