Aiseya 10:6 - DAWAN BÎLA AISKA

⁶ Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 10:6 ပူးပေါင်းရင်းမြစ်များ

2 Samuil 22:43

¡Tasba yamhpuska âpu dauki ba baku, âpu daukri! ¡Mini ra taibri, yabal ra slaubla ra wan mina taibi baku!

2 King Nani 18:25

Baha purkara, ¿man ban kra lukisma yang naha pliska ra aiklabi sauhki tikaia balri na, Dawan ba luha taukisna? ¡Dawan ba yang ra adar aikan sa, aiklabi sauhki mai tikaisna ba!’

Aiseya 19:17

Idsip ba, Juda tasbaya mawanra sibrinka bri kabia; sturka aisi ba wali baman sibrin takbia, karnika sut bri Dawanka ba mita, Idsip tani ra diara nani daukaia lukan bamna.

Aiseya 22:5

Kan Dawan karnika sut bri ba pat aisin kan, yu kum upla ra sirangki tara ikaia yua ba balbia, slingbaia bara munka plapaia lilika kaiki ba ilka langnika ra. Tawan kutbanka ba witin nani krikisa; upla nani kisbi ba il nani tila kat walisa.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 32:6

Kan upla kupia saura nani ba kupia saura lâka aisisa, ai lukanka ba watawi daukaia lâka baman dukiara lukisa, lâ krikaia daukaia dukia baman plikisa Dawan mapara aisisa, plun dauki nani ba mihta ra diara yabras swin auya diran dauki nani ba diranka yabras.

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 41:25

“Yang daukri waitna kum lalma ra takaia; witin nina kat mâki winri, bara yahbra tanik aula. Tawan wihtka nani ba slaubla ra baku ai mina ra taibisa; sumi papaskra baku ai mina ni slaubla ba akbisa.

Aiseya 49:17

Man nani kli mai mâkaia nani ba pat pali aula, mai slingban nani ba wal; danh âpu mai daukan nani ba mahka wan sa.

Aiseya 49:25

Dawan kasak aisisa: “Âu, waitna karnakira dîa dakbi brin ba, kli mihta wina dakbia, upla tataibra diara brin ba, kli dakbi bribia. Man mampara unsabaia pliki nani ba mapara yang buamna; yang mita luhpia nani ba swaki sakamna.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 5:29

witin uhbi ba layan baku kabia, ai napa nani arkbia, daiwan kum ra pâli prak alkbia baku, swiaia tânka âpu, upla kumi sin witin ai bîla wina dakbi sâkbia apia.

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Aiseya 63:3

—Âu, yang yakan wain taibaia watla ra wain taibri, upla kumi sin hilp ai munras; bara witin nani ba yang lawanki tara ni mini ra taibri; ba mita sika ai tâlia ba yang kwailka nani ra srikwi alkan, bara kwailka nani sut tâski takan.

Aiseya 63:6

Bara yang kupi baiwanka ni upla nani ba mini ra taibri, witin nani ba yang lawanki ni sauhki tikri, bara ai tâlia ba tasba ra laikri, yabal ra sin yâri laiwi kan.

Aiseya 7:17

“Dawan mita daukbia man puramra balaia, uplikam nani purara, bara aisikam watla purara sin, Efraín, Juda wina dakwi takan yua sâtka nani takan ba baku ba.” (Naha sika Asiria kingka dukiara aisisa.)

Aiseya 8:4

Tukta ba kau ‘papiki’, ‘mamiki’ aisaras ba ra, Damaskus, Sameria wal dukia kukanka nani sut ba, Asiria kingka mita dakbi brih wan kabia.”

Aiseya 8:8

lisamra ba Juda purak aubi kabia nana kat. Tnawira ai tnawa nani ilingki ba baku kabia, tasbayam ba, Imaniuel mita, kutbi bribia.”

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 3:10

Baha diara nani sut takan ba ningkara, Juda rugkira ai kupia aiska laki yang ra balras, sakuna kunin ai munan. Yang, Dawan, kasak aisisna.”

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Isikiel 29:20

Yabaisna Nabucodonosor ba, Idsip bribia, Tiro mapara aiklabanka bukan ba mana; kan yang dukira wark daukan sa. Yang, Dawan, kasak aisisna.

Isikiel 38:12

Dukia nani dakbi brimna, implikamna; tawan nani sauhkan kan kli paskan nani ba purara kauhamna, tawan kum pat nisan ailal aikuki asla takan ba, bîp nani bara diara wala nani sin bri ba bara tasba aiska lila kat iwi ba sauhkamna.

Isikiel 38:13

Sabá bara Dedán uplika nani ba, bara Tarsis wina diara âiatkra nani ba bara tawan wala nani uplika sin, mamkabi walbia: ¿Implikaia balram ki? ¿Suldiarkam nani ba asla daukram diara nani ba dimi briaia bara gul, silbar nani bâra briaia, daiwan bara diara wala nani briaia, bara diara kukan tara pali aihwa kum brih waia?’

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Abakuk 1:12

Dawan, man ba tâ pali wina Dawanki ban sma. ¿Man ba yang nani Gâdki sunukira ban kaia ra raya sma apia? Yang nani kaini kakahbra Dawanka, man mita Caldea uplika nani ra karnika ba yaram kasakkam lâka tânka ba kat daukaia.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Matiu 15:7

¡Kuninkira nani! Prapit Aiseya man nani tânkam pain aisin, witin naku ulban ba ra: