Aiseya 10:4 - DAWAN BÎLA AISKA

⁴ Witin nani bahki mai kulkbia bara silak ra mai mangkaia mai brih wabia, pruan ba nani tilara ikan kabia. Baha sut daukan kabia, ban sakuna, Dawan ai kupia baiwanka ba takaskbia apia; ai mihta bukan ba ban sa.

Aiseya 10:4 ပူးပေါင်းရင်းမြစ်များ

Aiseya 22:2

Man nani, mai turban sa, tawan tara unsaban binka pali man ba, tawan tâura, lilia nani pânika ba, pruankam nani ba sord malika pruras, war ra sin pruras kan.

Aiseya 24:22

Witin nani ba tasba mununhta sialaka watla ra silak ra mangkan kabia, silak ra mangki nani ba durka praki swin kabia, bara yu ailal lubia ba ningkara klala yan kabia.

Aiseya 34:3

Bara witin nani ai pruanka nani ba lulki swin kabia, bara ai wîna tara nani ba bisbaya bukbia; bara il nani bâk witin nani ai tâlia ba awala baku aubi kabia.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 66:16

Âu, Dawan ba pauta klauhan ni lâ kasak daukaisa, sordka ba ni tasba aiska lâka aisi daukbia; upla manis sin yaka prubia.

Aiseya 9:11

Bamna Dawan mita daukan waihla saura sibrinkira nani ba witin nani mapara balaia; Dawan mita blikan witin mapara waia aiklabaia.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 15:2

Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’

Jirimaya 37:10

Man nani Caldea uplika nani ba mapara aiklabi aiklaklabra nani ba sut ikma sin, sakuna insauhkan aiklaklabra nani watla ra bâra ba, baha nani ba bal tawanka na angkbia.”

Jirimaya 4:8

Baha mita, sari prâka dims, man nani latwan bri ins bara mamna lulks, kan Dawan kupia baiwanka klauhi ba yawan wina tnaya ra tawras sa.”

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.