Aiseya 10:3 - DAWAN BÎLA AISKA

³ ¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 10:3 ပူးပေါင်းရင်းမြစ်များ

Blasi Sturka 31:1

Sakuna Jekob wali kan, Labán luhpia nani dîa aisi tauki kan ba: “Jekob lika wan aisika daiwra nani sut brin, baha nani brih yuyakira takan.”

2 King Nani 7:15

Witin nani wan bara nina blikan laih Jordan awala ba kat. Bara Siria uplika nani ba prâk, traus nani bara diara wala nani sin ailal yakaban kan, isti muni plapan ba tâwan. Bara blikan uplika nani kli tawi balan ba ra, dîa kaikan ba king ra win.

Job 31:14

¿Nahki natka wala ra, yang sip kamna ki Gâd mawanra buaia? ¿Dîa aisamna ki witin diara ai makabi walbia ba ra?

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 17:4

Baha piua ra Sameria Jekob prana ba karnika âpu takbia, bara pâwanka tara ba âpu tiwbia.

Aiseya 20:6

Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Aiseya 26:14

Witin nani ba pruan sa, kli sin rawbia apia; witin nani ba rayaka âpu, kli raiti wina bubia apia; man bui witin nani ra klala yaram, witin nani ra lukaia lukra nani ba sin sut man mita sauhkram;

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 28:20

Krikri sirpi kum ra aitniki sip ai mina sakbras ba baku, pura bikaika bîla sirpi aiblakwaia sip apia ba baku.

Aiseya 30:16

panaura man nani wiram: “Apia, kanra yamni yang nani aras ra uli plapamna.” Baha ba mita man nani baku plapma. “Aras plaplapra waginka ra yang nani uli plapamna” wiram. Baha ba mita man nani ninam bliki nani ba sin plaplapra kabia.

Aiseya 30:5

sakuna witin nani sut ba baha nisanka bahki nani ba mita kunin lâka ra mai taibia, hilpkam nani yamnika nani man nani ra brih balbia apia, lilia âpu, umpira lâka baman lika brih balbia.”

Aiseya 30:7

karnika âpu, hilp munaia tâ baikaia sip apia. Baha mita nina ba yang naku mâkisna: “Daiwan saura tara kum uhbisa, sakuna diara daukras”.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 39:3

Bara prapit Aiseya ba, king Ezequías ra balan bara makabi walan: —¿Baha waitnika nani ba ani wina balan, bara dîa sin mai win? Bara Ezequías pana aisi, win: —Plis laih wina balan, Babilon tasbaya wina.

Aiseya 5:14

Daiwan wail baku, raiti ba ai bîla ba kwâkbia, sip bîla banhbia apia. Tawan wihta nani ba sut langkbia. Witin nani prana bahara iwi wabia, ai tara pulanka ba bara ai prana mayunra lilia ba sin.

Aiseya 5:26

Dawan ba plakin kum bukisa bara wasbi ni kuntri kum laihura ba ra winisa, kau tasba laihura wina upla ba yan balisa, aihni pali aula, istikira ni.

Jirimaya 22:7

Aiklabaia dukia bri uplika nani ba mampara blikaisna, man nani âpu mai dauki si balaia. Yalam dusa playka painkira nani ba klakbia bara pauta ra angkbia.

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 9:9

¿Baha daukanka nani ba tawi klala yabaia apia sna ki? ¿Tawan kum dîa daukan ba mana, yang kli yabaia apia sna ki? Yang, Dawan, kasak aisisna.

Oseas 5:13

“Efraín ai dara walbia, siknis nani ba pat alkan kabia, bara Juda sin ai wîna klahwanka nani ba kaikbia ba ra, Efraín, Asiria kingka tara ra wabia witin hilp makabaia, sakuna king ba sip witin nani ai sikniska ai wîna sukwanka nani ba rakbia apia.

Oseas 9:5

¿Lilia daukaia yua ra, man nani dîa daukma, sâpkira Dawan wal lilia takaia?

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Emus 5:19

Upla kum layan kaiki sîa plapi kan, bara wingku tara wal prak prawaia ba baku kabia; upla kum ai watla ra dimi, ai mihta ni utla tnaya ra prakan ba ra, baha wina piuta taki ai mihta kat samuya ba baku kabia.

Miqueas 7:4

Witin nani tilara upla kanra yamni nani kan ba lika, kiaya dusa baku takan sa, upla kau wapnikira nani kan ba sin, rahra pali man baku takan sa. Sakuna witin nani klala briaia yua aula; baha aihwawakra aisin yua ba, baha taim sika, tanis turban kaia lâka witin nani tilara takbia.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Luk 19:44

bara ban tasba ra sin mai batakbia. Upla nani man ra iwi banhwi ba sut sin ikan kabia, bara man ra walpa kumi walpa wala purara ban swin kabia apia, Gâd mai swaki mai sakaia balan piua ra man mita tawi kaikras kapram ba mita.”

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.