Aiseya 10:26 - DAWAN BÎLA AISKA

²⁶ Dawan, karnika sut ba mita witin nani ra klala yabia Oreb ra walpa tara bara Madián uplika nani ra bataki pura luan ba baku, Asiria mapara ai karnika ba marikbia. Idsip ra ai karnika marikan ba baku.

Aiseya 10:26 ပူးပေါင်းရင်းမြစ်များ

2 King Nani 19:35

Bara baha sim tihmika, Dawan insalka ba taki wan Asiria nani kiampka ra, bara upla nani 185,000 ikan, bara titan ra bûi banhwan ba ra sut pali ba pruan atia kan.

Lawana Nani 35:23

Dawan, yang Gâdki, rawi bus kasakkam lâka ni, lâika na dauks.

Lawana Nani 83:11

Ai uplika nani ra dauks Oreb bara Zeeb ra daukram ba baku; ai wihtka nani sut ra Zébah bara Salmuná ra daukram baku dauks,

Impakan Sturka 14:16

Mihtam ra dus brisma ba kabu purara buki alki bris, kabu ba lilak baiki laks bara yabal takbia, baha tasba lâwan takbia bâk Israel luhpia nani ba wapi lui wabia.

Aiseya 10:24

Karnika sut bri Dawanka ba witin naku wisa: “Yang upliki nani, Saion ra iwisma ba, Asiria uplika nani ba si bripara, ai kingka dusa ni mai prukbia kabia sin, mampara ai kînka dusa nani ba bukbia kra, Idsip uplika nani mai daukan ba baku.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Aiseya 30:31

Asiria uplika nani ba, Dawan bîla baikra walbia, klala ba bribia ba ra, witin sirang iwbia.

Aiseya 30:32

Kasakka lâka dadaukra dusa prukanka kumi bani ba, Dawan mita witin nani purara prukuya ba, kungbi nani pruki, arp nani kangbi ba binka baku kabia. Dawan ba witin nani mapara karna pali aiklabia.

Aiseya 9:3

Dawan, man lilia tara kum bri balram; liliaka ba sin tara pali pura prakram. Witin nani sut man mamwanra lilia takbia insla dâki liliaka ba baku, upla ai dukia nani ailal bri ai yuyaka yui yabi liliaka tara dauki ba baku.

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.

Wihta Nani 7:25

baha purkara witin nani bui Madián uplika nani tilara war wihtka tara nani ba wâl alkan, Oreb bara Zeeb. Oreb ba ikan walpa tara kum lamara; baha walpaya ba nanara Oreb Walpaya mâkisa. Zeeb sin bahara ikan bara tasbaya ba nina sin mâkan witin ai nina ra. Baha tasbaya ra sika wain taibi kan, wain laya daukaia dukiara. Witin nani Madián uplika nani ba nina bliki si tawi balan ba ra, Oreb bara Zeeb wal lal ba Gedeón ra yaban, baha lika Jordan awala baila wala ra witin bâra kan ba kat.