Aiseya 1:28 - DAWAN BÎLA AISKA

²⁸ sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 1:28 ပူးပေါင်းရင်းမြစ်များ

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 21:10

Sakuna Edom ba Juda wina dakwi takan, Libná sin, bara baha piua wina naiwa kat ban sa, kan Joram ba ai almukka nani Dawanka wina tnaya ra takan kan bamna.

2 Kronikas 28:23

Damaskus gâdka nani ra sakripais daukan, bara baha wal witin kauhan. Witin lukan baha nani ba Siria gâdka bui tâ baikan, witin nani kingka ra sin ai tâ baikbia lukan baku daukbia kaka, sakuna baha nani bui witin ra sauhkanka bri balan, Israel aiska ra sin.

2 Kronikas 28:6

Kasak pali, Remalías luhpia Pécah mita Juda uplika nani ra yu kum 120,000 ikan, uplika nani ba war aiklaklabra nani kata, kan witin nani ai damika nani Dawan Gâdka wina tnaya ra tawan bamna pruan.

Job 31:3

¿Ban apia, watawikira bara saurakira nani wal ba dukia sa pât tara briaia ba?

Job 34:26

Klala yabisa lâ sasauhkra nani ra baku, upla nani sut mawanra.

Job 34:27

Witin nani bîla wali kaia brin daukras kan ba mita, ai rayaka lâka nani sin brin daukras kan.

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 104:35

¡Upla saurakira nani, tasba wina âpu daukan kabia! ¡Watawi dadaukra nani âpu takbia! ¡Dawan ra yamni wis, yang sulki! ¡Dawan nina ba mayunan kabia!

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Lawana Nani 37:38

Sakuna mapara babura nani ba lika, aiska pali sauhki tikan kabia, saura nani yua tnata ba lika, sauhki tikan lâka man kabia.

Lawana Nani 5:6

Kunin aisasara nani ba, man sauhki tikisma, upla tâlia laiki nani ba, kunin mamunra nani ba sin saura kaikisma.

Lawana Nani 73:27

Ani uplika nani man wina tnaya ra tawi ba sut lika, prui tiwbia; ani uplika man wal kasak apia ba sut sauhki tikma.

Lawana Nani 9:5

Idan nani ba lawi daukram, upla watawi nani ba sauhki tikram, ¡witin nani lukra ba, diki sakram ban kaia ra kli lukbia apia!

Lawana Nani 92:9

Diara kum kasak sa, Dawan: waihlam nani ba sut sauhki tikan kabia; saura dadaukra nani ba, yakabrira daukan kabia.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 24:20

Tasba ba upla bla kum parwi baku nikban kabia, mani watla lupia baku yahbi kabia. Saurka wirhika mita kau wirha taibi kabia bara kauhbia, baha kli sip bubia apia.

Aiseya 30:13

baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 50:11

Sakuna baha nani sut pauta klauhan muki ba bara trisbaya nani aswi ba, ridi dauki ba witin nani baha pauta klauhan kat kli ambia, witin nani ai pata klauhan ba ra kli tawi kauhbia, man nani mihtam ni trisbaya nani pauta klauhan daukram ba munhtara. Baha klalka ba Dawan mita man nani ra blîkbia, bara baha pâsa saura lika prawi kama.

Aiseya 58:2

Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Aiseya 65:11

Sakuna Dawan wina man nani laihura dakwi takisma ba, yang ilki holikira âmya tikisma ba, Gad bara Mení ra man nani plun bara wain laya sin bri sal mayunisma, yuyaka nani dawanka ra.

Aiseya 66:17

Dawan aisin: “Baha nani dus mâ giadinka ra, aidul ra witin nani ra suni klin takisa, tila tâura auya was ai ninara, baha nani kwirku wîna pîsa, baha diara saura pali ba, matis wîna sin pi ba, tâski kulkan pata nani ba sut, aiska klaki sakan kabia.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Jirimaya 17:13

Dawan, man sika Israel bîla kaikanka. Baha nani sut mai briras mai swin ba swira takan kabia. Baha nani sut man wina kitwi laihura taki ba upla nina tasba pukpuka ra ulbi swin tiwi ba baku lap tiwbia, man lî kârma kauhla, mai briras mai swin ba mita.

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

1 Samuil 12:25

Sakuna man nani saura ba ban takaskras daukisma kaka, man nani bara kingkam sin sauhki tikan kabia.