Aiseya 1:16 - DAWAN BÎLA AISKA

¹⁶ ¡Mihtam ba siks, klin dauks! ¡Watawikam lâka nani ba naikra wina sâks! ¡Man nani saura daukaia ba swis!

Aiseya 1:16 ပူးပေါင်းရင်းမြစ်များ

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

Lawana Nani 26:6

Dawan, mihti bara mini nani sikbi pâtkas sna, saurka wina; baku bamna, yang lika man altarkam lamara waia want sna,

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Lawana Nani 37:27

Saura ba lama wina laihura takasks, bara yamni ba dauki bas, bara man ban kaia ra, anira iwi kaia pliska kum bri kama.

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Sins Lâka 4:27

Yabalkam ba wina aimawahkpara; minam ba saura wina laihura sâks.

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 25:5

Witin nani bui man nani ra mai win: ‘Wapankam saura nani ba swis bara daukankam saura nani ba sin swis; bara baku Dawan bui man nani ra maikan bara damikam nani ra sin yaban ba tasbaya ra iwi ban kaia.

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Sakaraya 7:7

¿Naha pali bîla nani na apia, patitara prapitka nani kan ba mita, aisi kan ba, Jerusalem ra upla ailal ai âuyapah iwi kan ba piua ra, tawan nani ai tnaya kir ba sin, Négueb tawanka nani ra, tawan lupia nani ra upla ailal iwi kan ba piua ra?

Matiu 3:8

Man nani daukankam ni mariks nahki saurkam nani wina kasak pali kupiam lakram ba,

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

1 Pita 3:11

Saurka ba wina tnaya ra taki diara yamni daukaia sa; witin kupia kumi lâka pliki, baha nina kat waia sa.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.